काठमाडौँ- काठमाडौँ उपत्यकाको न्यूनतम तापक्रम घटेको छ। मौसम पूर्वानुमान महाशाखाका अनुसार आज बिहान ५:४५ बजे काठमाडौँको न्यूनतम तापक्रम ८ डिग्री सेल्सियसमा झरेको हो। हिजो (शुक्रबार) यो समय काठमाडौँको न्यूनतम तापक्रम १२ डिग्री सेल्सियस थियो भने पछि अन्तिम मापनका बेला बिहान ८:४५ बजे पनि सोही कायम रहेको थियो।
धनुषा- आगामी फागुन २१ मा हुने प्रतिनिधिसभा सदस्य निर्वाचन नजिकिँदै जाँदा आचारसंहिताविपरीत टाँसिएका करिब २० हजार प्रचार सामग्री हटाइएका छन्। जिल्ला प्रशासन कार्यालय धनुषाले जनकपुरधाम नगर क्षेत्रभित्र विभिन्न उम्मेदवारले जथाभावी टाँसेका पर्चा, पम्पलेट, ब्यानर र पोस्टर हटाएको जनाएको हो। प्रशासनका अनुसार सार्वजनिकस्थल, विद्युत्का पोल, सरकारी भवन तथा सडक छेउछाउमा आचारसंहिताविपरीत टाँसिएका सामग्री हटाइएको हो।
काठमाडौं। पशुपतिनाथ मन्दिर परिसरमा एक युवकको हत्या भएको घटनामा प्रहरीले एक भारतीय नागरिकसहित दुई जनालाई पक्राउ गरेको छ । फागुन ६ गते राति पशुपति–१५ स्थित शिवालय मन्दिरको उत्तरतर्फ रहेको दोस्रो मन्दिरभित्र सङ्खुवासभाका २५ वर्षीय सन्तोष गिरी मृत अवस्थामा फेला परेका थिए ।
काठमाडौं । अमेरिकी डलरको विनिमय दर आज बढेर बिक्री मूल्य १४५.७७ रुपैयाँ र खरिद दर १४५.२८ रुपैयाँ पुगेको छ। आज युरो र पाउण्डको मूल्य पनि बढेको छ। युरोको बिक्री दर आज १७१.६३ रुपैयाँ छ भने पाउण्डको १९६.५४ रुपैयाँ छ। त्यस्तै, स्वीस फ्रयांकको बिक्री दर १८७.९७ रुपैयाँ छ।
पर्सा। जिल्ला प्रहरी कार्यालय पर्साले प्रतिनिधिसभा सदस्य निर्वाचनको सुरक्षालाई थप प्रभावकारी बनाउन जिल्लाका १६७ मतदानस्थलमा सिसी क्यामेरा जडान गर्ने भएको छ । प्रहरीका प्रवक्ता तथा प्रहरी नायब उपरीक्षक हरीबहादुर बस्नेतले निर्वाचनलाई सुरक्षित, निष्पक्ष तथा व्यवस्थित रूपमा सम्पन्न गराउने उद्देश्यले मतदानस्थलमा सिसी क्यामेरा जडान गरी निरन्तर निगरानी गरिने जानकारी दिएका छन् ।
काठमाडौँ- हाल नेपालमा पश्चिमी वायुको आंशिक प्रभाव रहेको मौसम पूर्वानुमान महाशाखाले जनाएको छ । जसको प्रभावले कोशी र गण्डकी प्रदेशलगायत बाँकी हिमाली भूभागमा आंशिक बादल लागेको छ। तराई भूभागका थोरै स्थानहरूमा तुवाँलो लागेको छ। आज दिउँसो तराई भूभागका केही स्थानहरूमा हुस्सु तथा कुहिरो रहनेछ।
काठमाडाैं । आईसीसी पुरुष टी-२० विश्वकप २०२६ को सुपर ८ अन्तर्गत शनिबार हुने पाकिस्तान र न्युजिल्याण्डबीचको महत्वपूर्ण भिडन्तमा वर्षाको खतरा बढेकाे छ । कोलम्बोको आर. प्रेमदासा स्टेडियममा हुने यस खेलअघि भारी वर्षाका कारण पाकिस्तानको अभ्यास सत्र समेत रद्द भएको छ, जसले टोलीको तयारीमा ठूलो धक्का पुर्याएको हाे ।
भोजपुर । मुन्दुम पदमार्ग पूर्वी नेपालको एक रमणीय र सहज पर्यटकीय गन्तव्यका रूपमा स्थापित हुँदै गएको छ । प्राकृतिक सौन्दर्यले भरिपूर्ण यस पदमार्गमा आन्तरिक तथा बाह्य पर्यटकको आकर्षण दिनानुदिन बढ्दो छ ।
काठमाडौं। गत महिना बजारमा चाँदीको माग उच्च भयो। अन्तर्राष्ट्रिय बजारमा भाउ महँगो भएपछि सुरक्षित सम्पत्तिको रुपमा लगानी गर्ने क्रम बढ्दा माग उच्च हुन पुग्यो। सुनको मूल्य तोलाकै ३ लाख ३९ हजार पुगेपछि लगानीकर्ता चाँदीतिर आकर्षित भए। चाँदी बिक्री गर्ने कम्पनीमा ग्राहकको लामो लाइन नै लाग्यो।
काठमाडौँ- निर्वाचन आयोगले देशभरका सबै निर्वाचन क्षेत्रमा मतपत्र सहित अन्य निर्वाचन सामग्री ढुवानी गर्ने कामलाई तीव्र पारेको छ। हालसम्म सुदूरपश्चिम, कर्णाली र कोशी प्रदेशमा आयोगले मतपत्र ढुवानी गरिसकेको छ । अन्य प्रदेशमा पनि नियमित रूपमा मतपत्र तथा निर्वाचन सामग्री ढुवानीको काम गरिरहेको छ।
म्याग्दी।म्याग्दीको अन्नपूर्ण गाउँपालिका–१ दोवादेखि धौलागिरि आइसफल जोड्ने पदमार्ग निर्माण सुरु गरिएको छ । अन्नपूर्ण गाउँपालिकाले चालु आर्थिक वर्षमा विनियोजन गरेको रु १० लाख बजेटबाट उपभोक्ता समितिमार्फत पदमार्ग निर्माण थालिएको हो ।
सिरहा। फागुन २१ गते हुने प्रतिनिधिसभा सदस्य निर्वाचनलाई लक्षित गर्दै जिल्ला निर्वाचन कार्यालय सिरहाले मतदान अधिकृत तथा सहायक मतदान अधिकृतका लागि एकदिने प्रशिक्षण सञ्चालन गर्ने भएको छ । कार्यालयले शुक्रबार सूचना जारी गर्दै आजदेखि प्रशिक्षण सुरु हुने जनाएको छ ।
काठमाडौँ। निर्वाचन आयोगले देशभरका सबै निर्वाचन क्षेत्रमा मतपत्र सहित अन्य निर्वाचन सामग्री ढुवानी गर्ने कामलाई तीव्र पारेको छ। हालसम्म सुदूरपश्चिम, कर्णाली र कोशी प्रदेशमा आयोगले मतपत्र ढुवानी गरिसकेको छ। अन्य प्रदेशमा पनि नियमित रूपमा मतपत्र तथा निर्वाचन सामग्री ढुवानीको काम गरिरहेको छ।
काठमाडौं । आईसीसी पुरुष टी-२० विश्वकप २०२६ को ‘सुपर ८’ चरण आजदेखि सुरु हुँदैछ। यस चरणको पहिलो तथा प्रतियोगिताको ४१औँ खेलमा क्रिकेटका दुई चिरपरिचित प्रतिद्वन्द्वी न्युजिल्यान्ड र पाकिस्तानबीच कोलम्बोको आर. प्रेमादासा रङ्गशालामा भिडन्त हुँदैछ।
काठमाडौँ- नेपाल विद्युत् प्राधिकरणले आज काठमाडौँका विभिन्न स्थानमा बिजुली कटौती गर्ने भएको छ। प्राधिकरणले सूचना प्रकाशित गरी बानेश्वर वितरण केन्द्रको कार्यक्षेत्रभित्र पर्ने सिनामंगल चोक तथा तिलगंगा क्षेत्रमा बिजुली कटौती हुने जनाएको हो। तिलगंगा आँखा अस्पताल अगाडि रहेको पोल ढल्केकोले त्यसलाई व्यवस्थितकार्य गर्नका लागि ११ केभी क्षमताको प्रसारण लाइन सटडाउन गर्न लागेको प्राधिकरणले जनाएको छ।
कैलाली। प्रतिनिधिसभा सदस्यको आसन्न निर्वाचनको तयारीका क्रममा कैलाली जिल्लाका चार ठाउँलाई अस्थायी मतदान केन्द्र तोकिएको छ । प्रदेश निर्वाचन कार्यालयले कैलालीको निर्वाचन क्षेत्र–१ मा पर्ने टीकापुर नगरपालिका भवन, क्षेत्र–४ मा पर्ने गोदावरी नगरपालिकाको बनदेवी मन्दिर परिसर, क्षेत्र–५ मा पर्ने धनगढी उपमहानगरपालिका भवन र धनगढीकै जिल्ला कारागार शाखालाई अस्थायी मतदान केन्द्र तोकिएको जनाएको छ ।
काठमाडौँ- पशुपतिनाथ मन्दिर परिसरमा एक युवकको हत्या गरेको अभियोगमा एक भारतीयसहित दुई जनालाई प्रहरीले पक्राउ गरेको छ। यही फागुन ६ गते राति पशुपति–१५ शिवालय मन्दिरको उत्तरतर्फबाट दोस्रो मन्दिरभित्र संखुवासभा घर भएका २५ वर्षीय सन्तोष गिरी मृतावस्थामा भेटिएका थिए।
काठमाडौं।आज २०८२ साल फागुन ९ गते शनिबार फागुन शुक्ल पक्षको चतुर्थी तिथि। अन्तर्राष्ट्रिय मातृभाषा दिवस। तदनुसार सन् २०२६ फेब्रुअरी २१ तारिख। नक्षत्र अनुसार १२ वटा राशि हुन्छन्। चन्द्रमा अनुसार राशि र नक्षत्रका पद अनुसार नाम राखिन्छ। त्यही आधारमा व्यक्तिको दैनिकीको विषयमा भविष्यवाणी हुन्छ। मेष: आज नयाँ काम सुरु गर्ने उत्साह बढ्नेछ।
Himal Press
