← npl.977 Nepal News Stream

विराटनगर (हाम्रो खेलकुद)- घरेलु टोली सम्राट स्पोर्टिङ क्लब विराटनगरमा जारी ३८ औं नोबेल विराट गोल्डकपको फाइनलमा प्रवेश गरेको छ । सहिद मैदानमा बिहीबार भएको अन्तिम सेमिफाइनल खेलमा ‘ए’ डिभिजन टोली चर्च ब्वाइज युनाइटेडलाई ३-० ले पराजित गर्दै सम्राटले उपाधि भिडन्त पक्का गरेको हो । पहिलो सहभागितामा नै सम्राट विराट गोल्डको फाइनल पुगेको हो ।

इटहरी (हाम्रो खेलकुद)- प्लानिङ ब्वाइज युनाइटेड१६ औँ अन्तर्राष्ट्रिय आमन्त्रण इटहरी गोल्डकप फुटबल प्रतियोगिताको सेमिफाइनलमा प्रवेश गरेको छ। बिहीबार राति भएको क्वाटरफाइनलमा युनाइटेड खर्साङ फुटबल क्लब (युकेएफसी) लाई ३-१ ले पराजित गर्दै प्लानिङ ब्वाइज अन्तिम चारमा पुगेको हो। बुढासुब्बा गोल्डकप च्याम्पियनसमेत रहेको प्लानिङ ब्वाइजको जितमा कप्तान फागुराम थारुले २ गोल तथा धिरेन्द्र शाहले १ गोल गरे।

काठमाडौं (हाम्रो खेलकुद)- काठमाडौं स्पोर्ट्स एन्ड इभेन्ट्स प्रा.लि.ले आयोजना गर्ने कर्पोरेट टि‌ लिगका लागि महिला राष्ट्रिय क्रिकेट खेलाडी खुशी डंगोललाई ‘फेस अफ कर्पोरेट टि टेन ’ घोषणा गरिएको छ। सन् २०१७ देखि क्रिकेट खेल्न सुरु गरेकी खुशीले २०२३ अगष्टमा नेपाली राष्ट्रिय टोलीबाट अन्तर्राष्ट्रिय डेब्यु गरेकी थिइन्।

एजेन्सी – मुम्बई इन्डियन्स र पञ्जाब किंग्स इन्डियन प्रिमियर लिग (आइपिएल) मा आज प्रतिस्पर्धा हुँदैछ। मुम्बईको वानखेडे स्टेडियममा खेल नेपाली समयअनुसार साँझ ७:४४ बजे सुरु हुनेछ। जारी आइपिएलको २४औँ खेलमा दुवै टोली फरक फरक लयमा मैदान उत्रिँदै छन्। पञ्जाब अहिले प्रतियोगितामा अपराजित रहँदै अंकतालिकाको दोस्रो स्थानमा छ ।