काठमाडौं (हाम्रो खेलकुद)- एपिएफ फुटबल क्लब रेडबुल एन्फा महिला च्याम्पियनसिपको फाइनलमा प्रवेश गरेको छ ।

उदयपुरको थरुहट रंगशालामा बिहीवार दोस्रो सेमिफाइनलमा संकटा क्लबलाई ३-० ले हराउँदै उपाधि नजिक पुगेको हो। एपिएफका लागि रश्मिकुमारी घिसिङ, अनिता केसी र गिता रानाले गोल गरिन्।

रश्मिले ११ औं मिनेटमा गोल गर्दै एपिएफलाई अग्रता दिलाइन् । त्यसको २ मिनेटपछि अनिताले गोल गरेपछि एपिएफले पहिलो हाफमा २-० को अग्रता बनायो। खेल सकिन ३ मिनेट बाँकी रहँदा गिताले गोल गरिन्।

खेलमा एपिएफकी मनमाया दमाई प्लेयर अफ दि म्याच बनिन् । एपिएफले शनिवार हुने फाइनलमा त्रिभुवन आर्मी फुटबल क्लबसँग प्रतिस्पर्धा गर्नेछ।

अखिल नेपाल फुटबल संघ (एन्फा) को आयोजनामा जारी प्रतियोगिताको विजेताले ट्रफीसहित ७ लाख ५० हजार र दोस्रो टोलीले ५ लाख रुपैयाँ प्राप्त गर्नेछ ।

The post एपिएफ एन्फा महिला च्याम्पियनसिपको फाइनलमा first appeared on हाम्रो खेलकुद.

पोखरा- आत्मघाती गोलको दुर्भाग्य एवं विपक्षी १० खेलाडीमा सीमित हुँदाको अवस्थालाई अवसरमा बदल्न नसक्दा उज्वेकिस्तानको फुटबल टिमले २५औँ आहा रारा पोखरा गोल्डकपको यात्रा सेमिफाइनलबाटै टुंगाएको छ।

पोखरा रंगशालामा बिहीबार दोस्रो सेमिफाइनलमा जावलाखेल युथ क्लबसँगको प्रतिस्पर्धामा आभा फुटबल क्लब १-० गोलअन्तरले फाइनल पुग्नबाट वञ्चित बनेको हो। यता आहा रारा गोल्डकपमा १४ वर्षपछि फाइनलमा पुगेको जावलाखेलले अब शनिबार आयोजक सहारा क्लब पोखरासँग उपाधिका लागि प्रतिस्पर्धा गर्नेछ।

बिहीबारको खेलमा पहिलो हाफ गोलरहित बराबरीमा सकिएको थियो। तर पाहुना टोलीका लागि ५२ औंं मिनेटमा आभा आत्मघाती गोलको शिकार हुनु नै दुर्भाग्य बन्यो। विपक्षी धमेन्द्र कुँवरले गरेको क्रस प्रहार रोक्ने क्रममा आभाका खुसान गानिजानोभले हानेको बल आफ्नै पोस्टमा पुगेको हो।

त्यसको १३ मिनेट नबित्दै खेलको ६५ औं मिनेटमा जावलाखेल १० खेलाडीमा सीमित भयो। विपक्षी खेलाडीलाई फल हानेपछि युवराज ढकालमाथि रेफ्री प्रज्ज्वल क्षेत्रीले रातो कार्ड देखाएका थिए। क्षेत्रीले मैदान छाडेपछि पाहुना टोलीले त्यसको फाइदा लिन सकेन।

प्रशिक्षक लिन्डे डेभिड हेन्डरसनले यसबारे सञ्चारकर्मीसँग प्रतिक्रिया दिँदै फुटबल टेक्निकल खेल भएको बताए। उनले आफूहरूले बराबरी गर्ने प्रयास गरे पनि विपक्षीले खेल रणनीति बदलेको उल्लेख गरे। उनले नेपालमा आतिथ्यता राम्रो पाएको र नेपाली फुटबलले पनि विकास गर्दै गएकोमा खुसी व्यक्त गरे।

प्रतियोगितामा प्लेयर अफ दी म्याचको उपाधि जावलाखेलका जोखिडजोन राखीमोभ घोषित भए। उनले नगद १० हजारसहित ट्रफी पुरस्कार प्राप्त गरेको आयोजक सहारा क्लब पोखराले जनाएको छ।

जितपछि जावलाखेल प्रशिक्षक सुनिलकुमार श्रेष्ठ आभासँगको प्रतिस्पर्धा नै फाइनल जस्तो लागेको बताए। राम्रो टिमलाई हराउन सकेकामा उनी सन्तुष्ट देखिए। आभा टिम बलियो टिम थियो। जबकि उसले शनिबार २६ औ बूढासुब्बा गोल्डकपको विजेता प्लानिङ ब्वाइज युनाइटेड काठमाडौँलाई क्वार्टरफाइनलमा १–० गोलअन्तरले पराजित गरी सेमिफाइनल पुगेको थियो।

सहाराले भने उद्घाटन खेलमा गोर्खा इन्टरनेसनल फुटबल क्लबलाई हराउँदै विजयी यात्रा सुरुआत गरेको थियो। क्वार्टरफाइनलमा विभागीय नेपाल पुलिस फुटबल क्लब र सेमिफाइनलमा आहा रारामा ६ पल्टसम्मको उपाधि विजेता मनाङ मर्स्याङ्दी क्लबको चुनौती पन्छाउँदै फाइनल पुगेको हो।

शनिबार हुने फाइनलमा विजेताले १४ लाख र उपविजेताले ७ लाख रुपैयाँ पुरस्कार प्राप्त गर्नेछन्।

पोखरा (हाम्रो खेलकुद)-  ए डिभिजन टोली जावलाखेल युथ क्लब‌ २५ औं आहा! रारा पोखरा गोल्डप फुटबल प्रतियोगिताको फाइनलमा पुगेको छ ।

पोखरा रंगशालामा बिहीबार भएको दोस्रो सेमिफाइनलमा उज्वेकिस्तानको आभा एफसीलाई १–० ले पराजित गर्दै जाउलाखेलले उपाधि नजिक पुगेको हो। जावलाखेल १४ वर्षपछि आहा राराको फाइनलमा पुगेको हो।

निकै प्रतिस्पर्धात्मक बनेको खेलको ५२औँ मिनेटमा भएको आत्मघाती गोल नै निर्णायक बन्यो । धरबेन्दर कुँवरले लेफ्ट विङबाट डि–एरिया नजिकैबाट दिएको क्रस रोक्ने क्रममा आभाका डिफेन्डर कुशान गानिजानोभलाई लाग्दै बल गोलमा परिणत भएपछि जावलाखेलले अग्रता लियो । त्यहि गोलमा जावलाखेलले अन्तिम दुईको यात्रा गर्यो।

६५औँ मिनेटमा मामुरोतोभलाई फाउल गरेका युवराज ढकालले सिधै रातो पाएपछि जावलाखेल १० खेलाडीमा सिमित भयो। त्यसका बाबजुद जावलाखेलले अग्रता जोगाउँदै फाइनल स्थान सुरक्षित गर्‍यो । आभाका जोकोचन राखिमोभ प्लेयर अफ दि म्याच घोषित भए ।

जावलाखेल र आयोजक सहारा क्लबबीच शनिवार फाइनल हुनेछ। सहारा ९ वर्षपछि आहा राराको फाइनल खेल्दैछ।

The post जावलाखेल आहा! रारा गोल्डकपको फाइनलमा first appeared on हाम्रो खेलकुद.