← npl.977 Nepal News Stream

काठमाडौं । राष्ट्रिय स्वतन्त्र पार्टीले चुनावी वाचापत्र सार्वजनिक गरेको छ । बिहीबार सुर्खेतमा आयोजित कार्यक्रममार्फत रास्वपा सभापति रवि लामिछाने, वरिष्ठ नेता बालेन्द्र साह बालेन, उपसभापति स्वर्णिम वाग्लेलगायतले बाचापत्र सार्वजनिक गरेका हुन् । पार्टीका उपसभापति वाग्लेले वाचापत्र सार्वजनिक गर्दै पार्टीले सरकारमा के गर्न भन्नेबारे विस्तृतमा जानकारी गराए ।

काठमाडौं । प्रधानमन्त्री सुशीला कार्कीले युवालाई मौका नदिए फेरि विद्रोहको चेतावनी दिएकी छन् । राजनीतिक दल र राज्यसत्ताले लोकतन्त्रको नारा कागजमा सीमित राख्दा मुलुकले विद्रोहको समाना गर्दै आउनुपरेको उनको भनाइ छ ।

काठमाडौं । पार्टीभित्र अराजकता र आर्थिक विचलन मौलाएको भन्दै रास्वपा बागमती उपसभापति दिनेश हुमागाईले पार्टी परित्याग गरेका छन् । उनले बिहीबार महामन्त्रीलाई राजीनामा पत्र बुझाउँदै साधारण सदस्यसमेत नरहने गरी पार्टी परित्याग गरेको उल्लेख गरेका छन् । हुमागाई २०७९ को निर्वाचनमा काभ्रे २ बाट रास्वपाको प्रत्यक्ष उम्मेदवार थिए ।

कर्णालीमा आएर राष्ट्रिय स्वतन्त्र पार्टीको घोषणापत्र, बाचापत्र सार्वजनिक गर्न पाउँदा म लगायत हाम्रो पार्टीका सबै सदस्यज्यूहरू, सभापतिज्यूहरू तथा हाम्रो पार्टीका साधारण सदस्यज्यूहरू, सम्पूर्ण कर्णालीबासी नेपाली दाजुभाइ दिदीबहिनीमा आउन पाउँदा धेरै धेरै खुसी लागेको छ ।

काठमाडौं । कांग्रेस सभापति गगनकुमार थापाले पार्टी संचालन र राजकाज सञ्चालमा कांग्रेसले विगतमा गरेका गल्ती अब नदोहोरिने प्रतिबद्धता जनाएका छन् । राष्ट्रिय सभा गृहमा बिहीबार आयोजित प्रश्नोत्तर कार्यक्रमलाई आज सम्बोधन गर्दै थापाले पार्टीका मूल्य र मान्यता तथा सिद्धान्तसँग सम्झौता नगर्ने पनि स्पष्ट पारेका छन् ।

काठमाडौँ । एमालेले आसन्न प्रतिनिधिसभा सदस्य निर्वाचनका लागि आफ्नो घोषणापत्र सार्वजनिक गरेको छ । एमालेको केन्द्रीय निर्वाचन परिचालन कमिटीले बिहीबार होटेल एभरेस्टमा आयोजना गरेको चुनावी घोषणापत्रमा आधारित बहस ‘देश पहिला’ कार्यक्रममा अध्यक्ष केपी ओलीले सम्बोधन गर्दै लक्ष्य निर्धारणहित प्रतिबद्धता सार्वजनिक गरेका हुन् ।

काठमाडौं । एमाले नेता जनार्दन ढकाल बिहीबार नेपाली कांग्रेस प्रवेश गर्ने भएका छन्। राष्ट्रिय सभा गृहमा कांग्रेसले आयोजना गर्न लागेको प्रतिज्ञापत्र सार्वजनिक कार्यक्रममा सभापति गगन थापाले ढकाललाई पार्टी प्रवेश गराउन लागेका हुन्। ढकाल संविधान सभा सदस्य हुन्। एमाले रसुवाका पूर्वअध्यक्षसमेत रहेका उनी पछिल्लो एक वर्षयता एमाले नेतृत्वप्रति असन्तुष्ट हुँदै पार्टी गतिविधिमा निष्कृय रहँदै आएका छन्।

काठमाडौं । पूर्वराजा ज्ञानेन्द्र शाहले दुर्गा प्रसाईको लहलहैमा लागेर निर्वाचन हाइज्याक गर्न खोजेपछि राप्रपा धर्मसंकटमा परेको छ । प्रजातन्त्र दिवसको अवसरमा बुधबार पूर्वराजा शाहले दिएको भिडियो सन्देशलाई लिएर अहिले विभिन्न टीकाटिप्पणी र प्रतिक्रिया आउने क्रम जारी छ । शाहले हिजोको सम्बोधनमा चुनावअघि राजतन्त्रको विषयमा निर्णय गर्न अनुरोध गरेका छन्।

काठमाडौँ । नेपाली कांग्रेसले चुनावी प्रतिज्ञा पत्रमा समेटिएका विषयमा आज खुला प्रश्नोत्तर कार्यक्रम राखेको जनाएको छ । जनकपुरमा बुधबार प्रतिनिधि सभा निर्वाचनका लागि सार्वजनिक गरेको प्रतिज्ञा पत्रको विस्तृत जानकारी आजै हुने कार्यक्रममा गराउँदै पार्टी सभापति गगनकुमार थापाले खुला प्रश्नोत्तर गर्ने भएका हुन् ।

काठमाडौं । एमालेले प्रतिनिधिसभा निर्वाचन लक्षित आफ्नो चुनावी घोषणापत्र आज सार्वजनिक गर्ने भएको छ । पार्टी अध्यक्ष केपी ओलीसहित पदाधिकारीहरूको उपस्थितिमा काठमाडौं विशेष कार्यक्रममार्फत घोषणापत्र सार्वजनिक गरिन लागेको हो । कार्यक्रम १२ बजे एभरेस्ट होटेल बानेश्वरमा हुने एमाले प्रचार संयोजक मीनबहादुर शाहीले जानकारी दिए । घोषणापत्रमा ‘समृद्ध नेपाल’ निर्माणलाई मुख्य एजेन्डाका रूपमा अघि सारिनेछ ।