पालिका ब्यूरो
|
1 day ago
म्याग्दी, – म्याग्दीको रघुगङ्गा गाउँपालिका–७ चिमखोलास्थित सामुदायिक विद्यालयहरूले ‘स्मार्ट बोर्ड’ सहयोग प्राप्त गरेका छन् । चिमखोलामा निर्माण भएको ३५.५ मेगावाट क्षमताको चिमखोला–मंगले–राहुघाट जलविद्युत आयोजनाका प्रवद्र्धक तुँदी पावर ले तीन विद्यालय र वडा कार्यालयलाई छ थान स्मार्ट बोर्ड उपलब्ध गराएको हो ।
पालिका ब्यूरो
|
1 day ago
काठमाडौँ, – उपत्यकाबाट उत्पादन हुने फोहरको वैज्ञानिक तथा दिगो व्यवस्थापनका लागि अध्ययन तथा समन्वय समिति गठन गर्ने निर्णय भएको छ । उपत्यका मेयर्स फोरम को बुधबार काठमाडौँमा बसेको १३ औँ बैठकले यस्तो निर्णय गरेको हो । बैठक फोरमका अध्यक्ष तथा ललितपुर महानगरपालिका का प्रमुख चिरीबाबु महर्जनको अध्यक्षतामा सम्पन्न भएको थियो ।
पालिका ब्यूरो
|
2 days ago
काठमाडौं – हेटौँडा उपमहानगरपालिकाले चालु आर्थिक वर्षको पहिलो सात महिनामा रु २२ करोड ४५ लाख ४९ हजार ४८५ राजस्व सङ्कलन गरेको छ । उपमहानगरपालिकाका राजस्व शाखा प्रमुख मनोज सुवेदी का अनुसार अघिल्लो आर्थिक वर्षको सोही अवधिमा रु २२ करोड ४३ लाख ८४ हजार ८८८ राजस्व सङ्कलन भएको थियो ।
पालिका ब्यूरो
|
2 days ago
काठमाडौँ, – नेपाल पञ्चाङ्ग निर्णायक विकास समिति ले पात्रो, भित्तेपात्रो तथा गोजी पात्रो प्रकाशन गर्नुअघि अनिवार्य स्वीकृति लिन सम्बन्धित सबैको ध्यानाकर्षण गराएको छ ।
पालिका ब्यूरो
|
2 days ago
भोजपुर, – सङ्घीयता कार्यान्वयनपछि जिल्लाका विभिन्न स्थानमा प्रदेश सरकारले १३ वटा पक्की र १७ वटा झोलुङ्गे पुल निर्माण गरेको छ । पूर्वाधार विकास कार्यालय भोजपुर का प्रमुख राजनराज रेड्डीका अनुसार जिल्लाका विभिन्न खोलामा करोडौँ रुपैयाँ लागतमा पक्की पुल निर्माण सम्पन्न भएका छन् ।
पालिका ब्यूरो
|
2 days ago
काठमाडौँ, – शेर्पा समुदायले आज विविध कार्यक्रम आयोजना गरी ग्याल्पो ल्होसार पर्व मनाउँदै छन्। ‘ल्हो’ अर्थात् वर्ष र ‘छार’ अर्थात् नयाँ भन्ने अर्थ राख्ने यो पर्व शेर्पा समुदायको नयाँ वर्षका रूपमा मनाइन्छ।
पालिका ब्यूरो
|
3 days ago
बागलुङ – नेपालको एक मात्र सिकार आरक्ष रहेको ढोरपाटन सिकार आरक्ष जोड्ने सडक निर्माणले पछिल्लो समय गति लिएको छ। लामो समयदेखि सुस्त रहेको बुर्तिबाङ–ढोरपाटन देउराली सडकको काम गत मङ्सिरदेखि तीव्र रूपमा अघि बढाइएको हो। तिधज्ञ बुर्तिबाङ बजारदेखि ढोरपाटन देउरालीसम्मको २५ किलोमिटर सडक दुई खण्डमा निर्माण भइरहेको छ ।
पालिका ब्यूरो
|
3 days ago
काठमाडौँ – काठमाडौँ महानगरपालिकाले ७० वर्ष उमेर पूरा गरेका ज्येष्ठ नागरिकको स्वास्थ्य अवस्था सर्वेक्षण गर्दा ४५२ जनामध्ये ११ जनालाई तत्काल अस्पताल लैजानुपर्ने अवस्था भेटिएको छ । महानगरपालिकाका अनुसार गत माघ १८ गतेदेखि सुरु गरिएको सर्वेक्षणका क्रममा यस्तो तथ्य सार्वजनिक भएको हो ।
पालिका ब्यूरो
|
3 days ago
खोटाङ, – पूर्वी तराईसँग जोड्ने छोटो दूरीको दिक्तेल–रेग्मीटार सडकखण्डस्थित घर्तीभिरमा रहेका ठूला चट्टान फुटाउने काम सुरु गरिएको छ । कोशी प्रदेश सरकारको लगानीमा दिक्तेल रुपाकोट मझुवागढी नगरपालिका–४ खाल्ले र हलेसी तुवाचुङ नगरपालिका–११ राजापानीको सिमानामा पर्ने घर्तीभिरमा सडक अवरोध बनेका चट्टान हटाउन थालिएको हो ।
पालिका ब्यूरो
|
3 days ago
कास्की – कास्कीको माछापुच्छ्रे गाउँपालिका–७ स्थित पर्यटकीय गाउँ धम्पुसमा आलडाँडा उद्यान (पार्क) निर्माण गरिएको छ। राष्ट्रिय तथा अन्तर्राष्ट्रिय रूपमा परिचित धम्पुसमा बनेको उक्त उद्यानले पर्यटन आकर्षण बढाउने र पर्यटकको बसाइ लम्ब्याउने अपेक्षा गरिएको छ । उद्यानमा बसेर आराम गर्दै हिमशृङ्खला र आसपासको मनोरम दृश्यावलोकन गर्न सकिन्छ । उद्यानमा धम्पुस–ब्रेकन भगिनी सम्बन्धको स्मारक स्थापना गरिएको छ।
पालिका ब्यूरो
|
3 days ago
म्याग्दी, – आसन्न प्रतिनिधिसभा सदस्य निर्वाचनलाई लक्षित गर्दै म्याग्दीका उम्मेदवारले जिल्लाको पश्चिमी क्षेत्र हुँदै ढोरपाटनबाट पूर्वी रुकुम जोड्ने वैकल्पिक सडक निर्माणलाई प्रमुख चुनावी मुद्दाका रूपमा अघि सारेका छन् । बेनी–घतान–पात्लेखेत–झिँ–पाखापानी–ठाडाखानी–कुइँनेमङ्गले–मल्कवाङ–मराङ–बिम–दरबाङ हुँदै पुनः बेनीसम्म पाँच स्थानीय तह समेट्ने राहुघाट–म्याग्दी चक्रपथ सडक आयोजना पनि उम्मेदवारको पूर्वाधार प्राथमिकतामा परेको छ ।
पालिका ब्यूरो
|
4 days ago
काठमाडौँ, – प्रतिनिधिसभा निर्वाचनका लागि आवश्यक मतपत्र छपाइ अन्तिम चरणमा पुगेको छ । जनक शिक्षा सामग्री केन्द्र लिमिटेडले बाँकी रहेको पाँच लाख मतपत्र आज दिनभरिमा छपाइ सम्पन्न हुने जनाएको छ । केन्द्रका कार्यकारी प्रबन्ध सञ्चालक यदुनाथ पौडेलका अनुसार बागमती प्रदेशका लागि बाँकी पाँच लाख मतपत्र आज साँझसम्म छापिसक्ने तयारी छ ।
पालिका ब्यूरो
|
4 days ago
म्याग्दी : म्याग्दीको अन्नपूर्ण गाउँपालिका–७ दोसल्लेका किसान विकास श्रेष्ठले यस वर्ष सुन्तला बिक्रीबाट रु २० लाख आम्दानी गरेका छन् । १५ रोपनी क्षेत्रफलमा व्यावसायिक सुन्तलाखेती गरेका श्रेष्ठले म्याग्दीमा सबैभन्दा ढिलो सुन्तला टिपेर बजार पठाउँदा सामान्यभन्दा करिब दोब्बर मूल्य पाउन सफल भएको हुन् ।
पालिका ब्यूरो
|
4 days ago
काठमाडौँ : काठमाडौँका १० निर्वाचन क्षेत्रअन्तर्गत ११ स्थानीय तहका १३८ वडामा मतदाता शिक्षा कार्यक्रम सुरु गरिएको छ । जिल्ला निर्वाचन कार्यालयले प्रत्येक वडामा एक–एक जना स्वयंसेवक परिचालन गरी मतदाता शिक्षा अभियान सञ्चालन गरेको जनाएको छ । कार्यालयका निर्वाचन अधिकारी ठाकुर भट्टराईका अनुसार कार्यक्रम यही फागुन १७ गतेसम्म सञ्चालन हुनेछ ।
पालिका ब्यूरो
|
1 week ago
मनाङ, — आगामी फागुन २१ गते हुने प्रतिनिधिसभा निर्वाचनको मिति नजिकिँदै गर्दा देशभर चुनावी तयारी तीव्र बन्दै गएको छ । उम्मेदवारहरू प्रचारप्रसारमा जुटिरहेका छन् भने निर्वाचन प्रशासन पनि व्यवस्थापनमा सक्रिय छ। तर, विकट हिमाली जिल्ला मनाङमा भने हिमपातका कारण निर्वाचन तयारी प्रभावित बन्न सक्ने अवस्था देखिएको छ ।
पालिका ब्यूरो
|
1 week ago
काठमाडौं, — नेपालमा महिलामाथि हुने हिंसा तथा महिला हत्याका घटनामा पछिल्लो समय चिन्ताजनक वृद्धि देखिएको छ । महिला पुनस्र्थापना केन्द्रले (ओरेक) सार्वजनिक गरेको त्रैमासिक तथ्याङ्कअनुसार सन् २०२५ अक्टोबरदेखि डिसेम्बरसम्मको तीन महिनामा कुल ३४५ वटा महिलामाथि हिंसाका घटना दर्ता भएका छन् ।
पालिका ब्यूरो
|
1 week ago
काठमाडौं — देशभरका ७ सय ५३ स्थानीय सरकारमध्ये अर्घाखाँचीको पाणिनि गाउँपालिका कार्यसम्पादन मूल्यांकनमा सबैभन्दा उत्कृष्ट ठहरिएको छ । राष्ट्रिय प्राकृतिक स्रोत तथा वित्त आयोगले बिहीबार सार्वजनिक गरेको नतिजाअनुसार पाणिनि गाउँपालिकाले ८३.८४ अंक प्राप्त गर्दै पहिलो स्थान हासिल गरेको हो । ८० अंकभन्दा माथि ल्याउने स्थानीय तह देशभर चारवटा रहेका छन् ।
पालिका ब्यूरो
|
1 week ago
काठमाडौँ – काठमाडौँ महानगरपालिकाले बालबालिकामा निरोगात्मक स्वास्थ्य शिक्षा प्रवद्र्धन गर्ने उद्देश्यले विद्यालयहरूमा ‘साना डाक्टर’ कार्यक्रम सञ्चालन गर्ने भएको छ । कार्यक्रमको सुरुआत चार वटा सामुदायिक विद्यालयमा नमूना रूपमा गरिनेछ । बुधबार आयोजित ‘साना डाक्टर सम्बन्धी एकदिने कार्यशाला’मा कार्यक्रमको अवधारणा र सञ्चालन रणनीतिबारे छलफल गरिएको थियो ।
पालिका ब्यूरो
|
1 week ago
म्याग्दी, – आगामी फागुन २१ गते हुने प्रतिनिधिसभा सदस्य निर्वाचन नजिकिँदै जाँदा म्याग्दीका मतदाताले उम्मेदवारबारे आफ्नो धारणा बनाउन थालेका छन् । विगतमा झैँ भाषण, आरोप–प्रत्यारोप र आश्वासन बाँड्ने प्रवृत्तिभन्दा अब सुशासन, विकास र रोजगारीमार्फत भविष्य निर्माणको स्पष्ट योजना भएका उम्मेदवारलाई मतदान गर्ने युवा मतदाताको भनाइ छ ।
पालिका ब्यूरो
|
1 week ago
हुम्ला, : आगामी फागुन २१ गते हुन गइरहेको प्रतिनिधि सभा निर्वाचन हिमाली जिल्ला हुम्लामा चुनौतीपूर्ण बन्दै गएको छ । जाडो छल्न गाउँलेहरू बेँसी झरेका र गाउँसम्म पुग्ने बाटो हिमपातका कारण अवरुद्ध भएकाले मतदाता मतदान केन्द्रसम्म पुग्न नसक्ने चिन्ता बढेको हो । नाम्खा गाउँपालिकाले सरकारलाई पत्र लेख्दै हिउँ पन्छाएर सडक खुलाइदिन आग्रह गरेको छ ।
