काठमाडौं — सर्वोच्च अदालतले सम्पत्ति शुद्धीकरण र राजस्व चुहावट सम्बन्धी अनुसन्धानका क्रममा हिरासतमा रहेका पूर्वमन्त्री दीपक खड्कालाई तत्काल थुनामुक्त गर्न आदेश दिएको छ ।

कायम मुकायम प्रधानन्यायाधीश सपना प्रधान मल्ल र न्यायाधीश श्रीकान्त पौडेलको संयुक्त इजलासले खड्काको पक्राउ र म्याद थप गर्दा आवश्यक कानुनी प्रक्रिया पालना नभएको ठहर गर्दै बन्दीप्रत्यक्षीकरणको आदेश जारी गरेको हो ।

अदालतले खड्कालाई हिरासतमा राख्दा ‘उचित विधि र प्रक्रिया’ पूरा नगरेको निष्कर्ष निकाल्दै पक्राउ पूर्जी र म्याद थप कानूनसम्मत नदेखिएको जनाएको छ । आदेशमा अनुसन्धान हिरासत बाहिर बसेर पनि गर्न सकिने प्रकृतिको रहेको उल्लेख गर्दै सम्बन्धित अदालतको अनुमति लिएर मात्र विदेश जान दिनुपर्ने शर्तसमेत राखिएको छ ।

सर्वोच्चको आदेशसँगै खड्का तत्काल रिहा हुने भएका छन् भने अब उनीमाथिको अनुसन्धान बाहिरबाटै अगाडि बढाइनेछ ।