काठमाडौं। राष्ट्रिय योजना आयोगले आगामी आव २०८३/८४ का लागि १९ खर्बको बजेट सिलिङ तय गरेको छ। आयोगको राष्ट्रिय स्रोत अनुमान समितिले तय गरेको बजेट सिलिङसहित मध्यकालीन खर्च संरचना अर्थ मन्त्रालयमा पठाएको छ। यही सिलिङअनुसार अर्थले अन्य मन्त्रालयहरूलाई बजेटको सीमा पठाउने प्रक्रिया अगाडि बढाउँछ। अहिले तय गरिएको बजेट सिलिङअनुसार आगामी आवमा बजेटको आकार घट्ने भएको छ।
काठमाडौं। निर्वाचनका लागि राजनीतिक दलहरुले घोषणापत्र लिएर चुनावी मैदानमा उत्रिएका छन्। राजनीतिक, आर्थिक र संरचनागत विषयहरुमा राजनीतिक दलहरु केन्द्रित रहँदा घोषणा पत्रमै खेलकुद क्षेत्रले पनि आश्वासनहरु पाएको छ। केही राजनीतिक दलहरुले विस्तृतमा खेलकुद विकासको योजना अघि बढाउँदा केहीले सामान्य हिसाबका तर व्यवाहारिक पक्षहरुलाई समेटेका छन्।
काठमाडौं। प्रधानमन्त्री सुशीला कार्कीले गण्डकी प्रदेशमा निर्वाचनको सुरक्षा तयारीलाई लिएर सेनाका पृतनापतिबाट ब्रिफिङ लिएकी छन्। उनले शुक्रबार नेपाली सेनाको पोखरास्थित पश्चिम पृतना मुख्यालयमा पुगेर पृतनापति उपरथी भोला थापाबाट गण्डकी प्रदेशको सुरक्षा तयारीबारे ब्रिफिङ लिएकी हुन्।
काठमाडौं। बजारमा ऋणको माग नभएर बैंक तथा वित्तीय संस्थाको व्यापार खुम्चिंदा जलविद्युत कम्पनीको भने ब्यालेन्स सिट सुधारिएको छ। नेपाल स्टक एक्सचेन्जमा सूचीकृत जलविद्युत कम्पनीले वित्तीय लागत घट्दा चालु आर्थिक वर्ष दोस्रो त्रैमासमा नाफा सतप्रतिशत बढाएका छन्।
काठमाडौं। चालु आर्थिक वर्ष साउनदेखि माघसम्म ७० अर्ब ८३ करोड रुपैयाँ बराबरका सवारीसाधन आयात गरिएका छन्। भन्सार विभागको तथ्यांक अनुसार चालु आवको सात महिनामा २ लाख २१ हजार युनिट सवारीसाधन आयात गरिएका हुन्। जसमा दुई पाङ्ग्रे, तीन पाङ्ग्रे, अटो रिक्सा, प्यासेन्जर, बस, कमर्सियल, हेभी इक्वीपमेन्ट लगायत छन्।
काठमाडौं। सर्वोच्च अदालतले प्रतिनिधि सभा विघटनविरुद्धको रिट निवेदनमा निर्वाचनको भोलिपल्ट फागुन २२ गते साधारण तारिखको मिति तोकेको छ। साधारण तारिख फागुन २२ गतेका लागि तोकेको सर्वोच्चका प्रवक्ता अर्जुनप्रसाद कोइरालाले जानकारी दिए। प्रतिनिधि सभाको निर्वाचन फागुन २१ गते हुँदैछ।
काठमाडौं। टाटा मोटर्सले पन्च इभीको फेसलिफ्ट मोडल ठूलो ब्याट्रीसहित अन्य फिचर थपेर बजारमा ल्याएको छ। कम्पनीले फेसलिफ्ट मोडलको गाडी शुक्रबार भारतीय बजारमा सार्वजनिक गरेको हो। कम्पनीले गाडी पुरानो मोडलको भन्दा ३० हजारदेखि १ लाख ८५ हजार भारुसम्म सस्तो बनाएको छ। गाडीको मूल्य ९ लाख ६९ हजारदेखि १२ लाख ५९ हजार भारु राखिएको छ।
काठमाडौं। नेपाल आयल निगमले बजारमा देखिएको अभाव हटाउन एलपी ग्यासको कोटा बढाएको भनिरहँदा आयात भने घटेको छ। भन्सार विभागले शुक्रबार प्रकाशित गरेको तथ्यांक अनुसार पुसमा भन्दा माघमा ग्यास आयात २.४७ प्रतिशतले घटेको हो। पुसमा ४७ हजार ४६० मेट्रिक टन ग्यास आयात भएकामा माघमा ४६ हजार २८४ मेट्रिक टन भित्रिएको छ।
काठमाडौं। निर्वाचन आयोगका कार्यवाहक प्रमुख आयुक्त रामप्रसाद भण्डारीले आसन्न निर्वाचन शान्तिपूर्ण, निष्पक्ष र भयरहित वातावरणमा सम्पन्न गर्न सबैबाट सहयोग प्राप्त हुने विश्वास व्यक्त गरेका छन्।
काठमाडौं। वीरगंजस्थित शुभम हेल्थकेयर प्रोडक्ट्स प्रालि कारबाहीमा परेको छ। वाणिज्य, आपूर्ति तथा उपभोक्ता संरक्षण विभागले शुभम हेल्थकेयरलाई जरिबाना तिराएको छ। विभागको टोलीले शुक्रबार अनुगमनका क्रममा शुभम हेल्थकेयरलाई २ लाख १ हजार रुपैयाँ जरिबाना तिराएको हो। अनुगमनका क्रममा भक्तपुरका विभिन्न ४ वटा व्यावसायिक फर्मलाई सामान्य निर्देशन दिएको विभागले जनाएको छ। The post शुभम हेल्थकेयर प्रोडक्ट्स वाणिज्य विभागको कारबाहीमा, तिरायो २ लाख १ हजार जरिबाना appeared first on BIZMANDU.
काठमाडौं। ग्रान्ड सेन्ट्रल होटल प्रालि अन्तर्गत सञ्चालित रमाडा बाइ विन्धाम इटहरीले खाद्य प्रविधि तथा गुण नियन्त्रण विभागबाट ‘अति उत्तम’ खाद्य गुणस्तर प्रमाणपत्र पाएको छ। विभागको विराटनगरस्थित कार्यालयले रमाडालाई ‘अति उत्तम’ खाद्य गुणस्तर प्रमाणपत्र दिएको हो। यो प्रमाणपत्रले उच्च खाद्य गुणस्तर, उत्कृष्ट सरसफाइ तथा पाहुनाको सुरक्षाप्रति देखाएको दृढ प्रतिबद्धतालाई प्रतिबिम्बित गर्ने होटलले जनाएको छ।
काठमाडौं। चालु आर्थिक वर्षको ७ महिनामा नेपाली उत्पादनको निर्यात बढेको तथ्यांकले देखिएको छ। भन्सार विभागले जारी गरेको निर्यात तथ्यांकमा यो दर देखिएको हो। पुस महिनाभन्दा माघमा निर्यात १८ प्रतिशले बढेको छ। गत महिनासम्म भटमास तेल, अलैंची र गलैचा पछि चौथो स्थानमा रहेको सूर्यमुखी तेलको निर्यात बढेर यो पटक दोस्रो स्थानमा आइपुगेको छ।
काठमाडौं। प्रधानमन्त्री सुशीला कार्कीले विश्वविद्यालयको शिक्षालाई अर्थतन्त्रसँग जोड्नुपर्ने बताएकी छन्। उनले शुक्रबार पोखरा विश्वविद्यालयको २१औं दीक्षान्त समारोहमा आर्थिक समृद्धिसँग नजोडिएको पाठ्यक्रम सन्दर्भहीन बन्ने बताइन्। ‘हाम्रा विश्वविद्यालयका कार्यक्रमलाई अर्थतन्त्र सुदृढीकरणसँग प्रत्यक्ष जोड्न सक्नुपर्छ। आर्थिक समृद्धि र मानव कल्याणसँग नजोडिएको ज्ञान वा पाठ्यक्रम सन्दर्भहीन बन्दै जान्छ,’ उनले भनिन्।
विराटनगर। विराटनगर महानगरपालिका वडा नम्बर १२ को मुख्य सडकबाट करिब ७०० मिटरको दुरीमा पर्छ बक्री सिमराह टोल। सयभन्दा धेरै घरधुरी रहेको यस बस्तीमा चुनावी गतिविधि मुलुकका अन्य भेगमा भन्दा तुलनात्मक रुपमा कम नै देखिन्छ। एक हिसाबले यहाँका मतदातालाई चुनावको चासो राख्ने फुर्सद पनि छैन किनकि बाध्यताले बाँधेको छ।
काठमाडौं। जलविद्युत आयोजनाहरुले ३ वर्ष मै ‘इनर्जी टेबल’ परिवर्तन गर्ने पाउने भएको छन्। नेपाल विद्युत प्राधिकरणको संचालक समितिले हाइड्रोलोजीसम्बन्धी प्रावधानमा संशोधन गरेसँगै ऊर्जा प्रवर्धकहरुलाई सहजता बनाइदिएको छ। समितिले उत्पादन सुरु गरेको पाँच वर्षपछि मात्र हाइड्रोलोजी संशोधन गर्न पाइने व्यवस्था थियो। समितिले समय अवधि घटाएर तीन वर्षमा झारिदिएको छ।
काठमाडौं। चालु आर्थिक वर्ष ७ महिनामा ११ खर्ब २३ अर्ब ४८ करोड रुपैयाँभन्दा बढीको वस्तु आयात हुँदा कच्चा भटमास तेल सबैभन्दा धेरै भित्रिएको छ। भन्सार विभागका अनुसार कच्चा भटमास तेल ७० अर्ब ९९ करोड ५६ लाख रुपैयाँको ४४ करोड ८३ लाख ८७ हजार लिटर भित्रिएको छ।
काठमाडौं। बुद्ध एयरको जहाजमा दिनहुँजसो समस्या देखिन थालेको छ। बुद्धको ९ एन एएनक्यू नामको जहाज दायाँ इन्जिनको इन्डिकेटरमा बुधबार राति समस्या देखिएका कारण उडान नै ८ाइभर्ट गर्नु परेकामा शुक्रबार इन्धन लिकेजका कारण उडान प्रभावित भएको छ। बुद्ध एयरको ९ एन एआईटी एटीआर ४२ जहाजमा शुक्रबार सिमरा विमानस्थलमा इन्धन लिकेज भएको हो।
काठमाडौं। निर्वाचनका कारण आयात व्यापार चालु आर्थिक वर्ष माघमा ७ महिनायताकै उच्च भएको छ। भन्सार विभागका अनुसार माघमा १ खर्ब ८४ अर्बको वस्तु आयात भएको छ। चालु आर्थिक वर्ष २०८२/८३ को सात महिनामा आयात पोहोर सोही अवधिको तुलनामा १३.६५ प्रतिशतले वृद्धि भएको छ।
काठमाडौं। मेटाले यसै वर्ष आफ्नो स्मार्टवाच लन्च गर्ने भएको छ। द इन्फर्मेसनको रिपोर्टअनुसार ‘मालिबु २’ कोड-नाम दिइएको यो स्मार्टवाचमा एप्पल वाचमा जस्तै स्वास्थ्यसम्बन्धी फिचरहरू हुने अनुमान गरिएको छ। मेटाले परिस्कृत रे-बेन डिस्प्ले स्मार्ट चश्मासँगै यो स्मार्टवाचलाई डेब्यू गराउन सक्ने अनुमान गरिएको छ।
काठमाडौं। पूर्वाधारका ठूला आयोजना निर्माणका लागि आवश्यक लगानी जुटाउन कांग्रेसले पूर्वाधार विकास बैंक, आयोजना विशेष पूर्वाधार बन्ड र सार्वजनिक-निजी साझेदारीको अवधारणा अगाडि सारेको छ। सरकारी स्रोतबाट पूर्वाधारका ठूला आयोजनाका लगानी जुटाउन सम्भव नरहेका कारण कांग्रेसले पूर्वाधार विकास बैंक, आयोजना विशेष पूर्वाधार बन्ड र सार्वजनिक-निजी साझेदारीको अवधारणा अगाड सारेको हो।
BIZMANDU
