काठमाडौं। सेयर बजार परिसूचक शुक्रबार सामान्य अंक बढेको छ। नेप्से परिसूचक ५.३६ अंक उकालो लागेर २८३८.४० विन्दुमा पुगेको छ।

कारोबारमा आएका होटल तथा पर्यटन,हाइड्रोपावर,उत्पादन तथा प्रशोधन, अन्य र ट्रेडिङ उपसमूहले बजार बढाएका हुन्। बजारमा १०८ कम्पनीको सेयर मूल्य बढेको छ। ५ कम्पनीको सेयर मूल्यमा पोजेटिभ सर्किट लागेको छ।

सूर्यकुण्ड हाइड्रो इलेक्ट्रिक, होटल फरेस्ट इन, पाल्पा सिमेन्ट, शिखर पावर डेभलपमेन्ट र रिजलाइन इनर्जीको सेयर मूल्यमा पोजेटिभ सर्किट लागेको हो।

बजारमा ७ अर्ब ४६ करोड ६ लाख रुपैयाँको सेयर किनबेच भएको छ। नेसनल हाइड्रोपावर कम्पनीको सबैभन्दा धेरै ६६ करोड ८६ लाख रुपैयाँको सेयर कारोबार भएको छ। यस्तै, सोलु हाइड्रोपावरको ३७ करोड २६ लाख र रिडीपावर कम्पनीको ३४ लाख रुपैयाँको सेयर किनबेच भएको छ।

बजारमा एसियन हाइड्रोपावरको सेयर मूल्य सबैभन्दा धेरै ४.५४ प्रतिशत घटेको छ।

The post नेप्से सूचक ५.३६ अंकले बढ्दा ५ कम्पनीको सेयर मूल्यमा पोजेटिभ सर्किट, ७.४६ अर्बको कारोबार appeared first on BIZMANDU.