npl.977 Nepal News Stream

काठमाडौं । सहकारी बचत अपचलन मुद्दामा धरौटीमा रिहा भएको दुई दिनमै राष्ट्रिय स्वतन्त्र पार्टीका सभापति रवि लामिछाने प्रधानमन्त्री सुशीला कार्की भेट्न बालुवाटार पुगेका छन्। आइतबार साँझ भएको यो आकस्मिक भेट गरे। लामिछानेसँगै उपसभापति डिपी अर्याल, स्वर्णिम वाग्ले, महामन्त्री कविन्द्र बुर्लाकोटी तथा केन्द्रीय सदस्य शिशिर खनाल र सोभिता गौतम पनि बालुवाटार पुगेका थिए। भेटवार्ता चलिरहेकै बेला प्रधानमन्त्रीका प्रेस संयोजक राम रावलले छलफल जारी रहेको बताए। शुक्रबार पुस ४ गते सहकारी बचत अपचलन प्रकरणमा अदालतबाट धरौटीमा छुटेपछि लामिछानेको यो पहिलो प्रधानमन्त्री भेट हो।

रौतहट । जनकपुरधाममा हिन्दूवादीहरुले बांगलादेश विरुद्ध प्रदर्शन गरेका छन् । आईतबार साँझ विभिन्न हिन्दूवादी संघ संस्थाले संयुक्त रुपमा बांगलादेश विरुद्ध प्रदर्शन गर्नुका साथै पुतला दहनसमेत गरेका छन् । २ दिनअघि बांगलादेशमा निर्ममतापूर्वक हिन्दू समुदयाका दिपु चन्द्र दासलाई केही मुस्लिम समुदायका व्यक्तिहरुले कुटपीट गरी जिउँदै जलाएको घटनाप्रति आक्रोस जनाउँदै जनकपुरधामका हिन्दूवादीहरुले विरोध गरेका छन् । उनीहरुले हिन्दू समुदायलाई एक हुनसमेत आग्रह गर्दै नारा लगाए । उनीहरुले जेहादी आतंकवादी मुर्दावाद, जाग जाग हिन्दू जाग, हिन्दू विरोधी नेता मुर्दावादलगायतका नारा लगाएका छन् । उनीहरुले आजबाट बांगलादेशका कुनै पनि सामान प्रयोग नगर्न आग्रह गरेका छन् ।

काठमाडौं । आगामी फेब्रुअरी ७ देखि मार्च ८ तारिखसम्म भारत र श्रीलङ्कामा संयुक्त रूपमा आयोजना हुने आइसिसी टी–२० विश्वकप क्रिकेट २०२६ का लागि नेपाली क्रिकेट टोलीको प्रारम्भिक चरणमा २४ खेलाडी छनोट भएका छन् । सोमबारदेखि सुरु हुने प्रशिक्षण क्याम्पका लागि २४ जना खेलाडी छनोट गरिएको नेपाल क्रिकेट सङ्घ (क्यान) ले जनाएको छ । छनोट हुने खेलाडीमा रोहित पौडेल, कुशल भुर्तेल, सन्दीप जोरा, दीपेन्द्र सिंह ऐरी, नन्दन यादव, सन्दीप लामिछाने र आरिफ सेख छ्न ।

काठमाडौं । हास्यकलाकार किरण केसीले गौतम बुद्ध क्रिकेट रंगशाला निर्माणका लागि आफूले दिएको ५ लाख सहयोगको रसिद दुई वर्षपछि मात्रै पाएको भन्ने अभिव्यक्ति दिएपछि सीताराम कट्टेल ‘धुर्मुस’ आलोचनाको घेरामा परेका छन्। केसीको अभिव्यक्ति बाहिरिएसँगै धुर्मुसमाथि सामाजिक सञ्जालमा तीखा टिप्पणी र गालीको ओइरो लाग्यो। तर, यो विवादले नयाँ मोड लिएको छ। धुर्मुस–सुन्तली फाउन्डेसनका तत्कालीन एक जिम्मेवार कर्मचारीले केसीको दाबीमा पूर्ण सत्यता नरहेको बताए। उनका अनुसार केसीले रंगशालाका लागि प्रत्यक्ष सहयोग नगरी गिरानचौर बस्ती निर्माणका क्रममा जन्मदिनमा संकलन गरिएको करिब ४ लाख रुपैयाँ फाउन्डेसनलाई दिएको थियो।

काठमाडौं । एकबेला हास्य टेलिशृङ्खला ‘भद्रगोल’ देखि ‘सक्किगोनी’ सम्म अटुट सहकार्य गरेको जिग्री (कुमार कट्टेल), पाँडे (अर्जुन घिमिरे) र काकु (दीपक आचार्य)को मित्रता दर्शकमाझ निकै लोकप्रिय थियो। पर्दामा होस् वा पर्दाबाहिर, उनीहरूको मित्रता सधैँ चर्चामा रहन्थ्यो। तर गत वर्ष प्रदर्शनमा आएको फिल्म ‘लाज शरणम्’ बाट भने उनीहरूबीचमा अलि खटपट आएजस्तो देखियो। यद्दपि त्यो लामो समय रहेन। काकुले सार्वजनिक रूपमा उक्त विवादबारे कसैप्रति आरोप लगाएनन्। बरू ‘लाज शरणम्’लाई शुभकामना दिए। ‘लाज शरणम्’ कुमार कट्टेलको निर्देशनमा बनेको थियो। राम्रो व्यापार गरेको यो फिल्ममा अर्जुन घिमिरे कार्यकारी निर्माता र कलाकार थिए।

काठमाडौं । ‘घरज्वाइँ’ जस्तो सफल फिल्म निर्देशन गरेका अनिल बुढा मगरले दोस्रो फिल्म ‘मितज्यू’ वर्कसप थालेका छन्। उनले शनिबारबाट फिल्मको वर्कसप सुरू गरेका हुन्। वर्कसपमा तेरिया फौजा मगर, पुस्कर गुरुङ, राज थापा, सुवर्ण थापा, अनु थापा, स्मिता लामिछाने लगायत रहेका छन्। फिल्ममा कलाकारहरुले गर्ने भुमिकालाई सहज होस भन्ने हिसावले वर्कसप चलाइएको निर्देशक मगरले बताए। उनका अनुसार यो वर्कसप केहि दिनसम्म अझै चल्ने छ। फिल्मका निर्माता जनक घर्ती मगरले फिल्मका लागि कलाकारहरुलाई वर्कसपमार्फत आफ्नो भुमिकाबारे थप जानकारी होस् भन्ने हेतुले चलाइएको बताए। उनका अनुसार यो फिल्म आगामी माघको पहिलो साताबाट छायांकनमा निस्किने छ।

काठमाडौं । चन्द्र पन्त निर्देशित फिल्म ‘आ बाट आमा’को जापान राइट्स बिक्री भएको छ। फिल्मलाई जापानमा फिल्म वितरण गर्दै अएको ओम शान्ति ओम इन्टरटेनमेन्टले खरिद गरेको हो। जापानका लागि ओम शान्ति ओम इन्टरटेनमेन्टका प्रमुख ईश्वर श्रेष्ठबीच कागजी सम्झौता भएको निर्माण पक्षले जानकारी दिएको छ। निर्देशक चन्द्र पन्तले जापान राइट्स प्रदर्शन बिक्री गरेको बताए। उनका अनुसार यस अघि नै अस्ट्रेलिया, न्यूजील्याण्ड, युएई, कतार, बहराइन र इजरायल लगायतका देशमा प्रदर्शन अधिकार बिक्री भइसकेको छ।अन्य देशमा पनि फिल्मको प्रदर्शन अधिकार उच्च माग हुन थालेको छ।

काठमाडौं । गत मंसिर १९ गते एमाले अध्यक्ष केपी शर्मा ओली र कांग्रेसका सभापति शेरबहादुर देउवाबीच भेट भएपछि त्यसको पर्सिपल्ट मंसिर २१ गते ८ जना सांसदको हस्ताक्षर कांग्रेस पनि सर्वोच्च पुग्यो। त्यही रिट निवेदनमा पक्ष कायम गरी पाऊँ भनेर पूरक निवेदन दिने तयारी कांग्रेसको छ। रिटमा पक्ष कायम गर्न अहिलेसम्म कांग्रेसका ८८ जना निवर्तमान सांसदमध्ये ६६ जनाले हस्ताक्षर गरेको निवर्तमान प्रमुख सचेतक श्यामकुमार घिमिरेले बताए। तर उक्त रिटमा सभापति देउवासहितले हस्ताक्षर गरेका छैनन्। घिमिरे र सचेतक सुशीला थिङसहितका सांसदहरूले सर्वोच्च अदालतमा प्रतिनिधि सभा पुनर्स्थापनाका लागि रिट दिएका थिए।

काठमाडौं । अदालतको आदेशबमोजिम थुनामुक्त भएका रास्वपा सभापति रवि लामिछाने आइतबार बनस्थलीस्थित केन्द्रीय पार्टी कार्यालय घण्टीघर पुगे । पार्टी कार्यालयबाट उनले राजनीतिक दल (विघटित संसद्का प्रमुख दलहरु)लाई एक सन्देश दिएका छन्, जसले आगामी निर्वाचनमा कडा चुनौती दिने उनको विश्वास छ । गत बिहीबार (पुस ३) उच्च अदालत तुलसीपुर बुटवल इजलासले उनलाई बिगोबमोजिमको रकम बुझेर थुनामुक्त गर्न आदेश दिएको थियो । सहकारी ठगीसहित अभियोग लागेका रविले आफूविरुद्धको अभियोगबमोजिम बिगो बुझेर थुनामुक्त गरी बाहिरै बसेर कानुनी लडाइँ लड्ने मौका दिन माग गर्दै दिएको थिए ।

काठमाडौं । गत शुक्रबारबाट प्रदर्शनमा आएको सिनेमा ‘झरीपछिको इन्द्रेणी’को नयाँ गीत सार्वजनिक गरेको छ । हलमा प्रदर्शरत सिनेमाले दर्शकबाट उत्कृष्ट प्रतिक्रिया पाइरहेका बेला निर्माण टिमले सिनेमाप्रति अझै दर्शकको आकर्षण बढाउन आइतबार नयाँ गीत ‘जब फर्किन्छु घर’ सार्वजनिक गरेको हो । यो गीतमा मनोज थापा मगरको म्युजिक एरेञ्जमेन्ट र गणेश कार्कीको शब्द रचना तथा हेमन्त रानाको स्वर छ । गीतको भिडियोमा सिनेमाका मुख्य कलाकार विमोचन दवाडी, गणेश उप्रेती, सरिता गिरी, जेसिका पोखरेल र बाल कलाकार दिप्सन चिलवाललाई देख्न सकिन्छ । यो गीतले सिनेमाप्रति दर्शकको आकर्षण उर्त्कषमा पुर्‍याउने विश्वास निर्माण टिमको छ ।

काठमाडौं । नाबालिकामाथि नक्कली फेसबुकको जालोमा अश्लील माग, दबाब र चरित्र हत्या गरेको आरोपमा प्रहरीले २७ वर्षीय सन्दिप चन्दलाई पक्राउ गरेको छ। साइबर ब्युरोका एसपी दीपकराज अवस्थीका अनुसार चन्दले सामाजिक सञ्जालमा नक्कली प्रोफाइल बनाएर नाबालिकासँग साथी बनेका थिए र नग्न तस्बिर र भिडियो माग्दै उसको मानसिक तथा सामाजिक दबाब सिर्जना गरेका थिए। जब नाबालिकाले अस्वीकार गरिन्, चन्दले ती नग्न सामग्री साथी र आफन्तसँग शेयर गरेर उनको चरित्र हत्या गरेका थिए। विभिन्न दबाब र प्रभावमा पारेर नियमित रूपमा अश्लिल गतिविधि गर्न लगाएको आरोप छ। कैलालीबाट पक्राउ परेका चन्दको साथ अनुसन्धान जारी छ।

काठमाडौं । राष्ट्रिय स्वतन्त्र पार्टीका सभापति रवि लामिछानेले जेनजीले गरेको विद्रोहलाई क्रान्तिमा परिवर्तन गर्न बाँकी रहेको बताएका छन् । आइतबार पार्टी केन्द्रीय कार्यालयमा आयोजित स्वागत कार्यक्रममा उनले जेनजीले गरेको विद्रोहलाई क्रान्तिमा परिवर्तन गर्न बाँकी रहेको भन्दै अहिलेको नेतृत्व र पुस्ताले भत्किएका जलेका संरचनाहरु बनाउने मात्र होइन बदल्ने पनि काम गर्ने बताए । जेनजीले गरेको अभियान र त्यागलाई क्रान्तिमा बदल्नको लागि दत्तचित्त भएर लाग्ने पनि उनको प्रतिबद्धता छ । उनले भने, ‘जेनजीले गरेको विद्रोहलाई क्रान्तिमा परिवर्तन गर्न बाँकी छ । जलेको सिंहदरबार त बनाउला तर सिंहदरबार बनाएर मात्र हुदैँन् ।

काठमाडौं । ‘अहिले कुलमानले गुन बिर्सिएर जुन थालमा खाए, त्यही थालमा छेद हाल्न खोज्या छन्, तिनले त्यसो नगरुन्, उनको बुद्धि फिरोस् ।’ यो अभिव्यक्ति नेपाली कम्युनिस्ट पार्टीका संयोजक पुष्पकमल दाहाल ‘प्रचण्ड’को हो । पार्टीको कर्णाली प्रदेश स्तरीय एकता सन्देश सभालाई सम्बोधनका क्रममा २८ मंसिरमा प्रचण्डले कुलमानविरुद्ध यसरी आक्रोश पोखेका थिए । आफूले बनाएको मान्छे आफैंविरुद्ध लागेको आशय प्रचण्डको छ ।

काठमाडौं । गत मंसिर १९ गते एमाले अध्यक्ष केपी शर्मा ओली र कांग्रेसका सभापति शेरबहादुर देउवाबीच भेट भएपछि त्यसको पर्सिपल्ट मङ्सिर २१ गते ८ जना सांसदको हस्ताक्षर कांग्रेस पनि सर्वोच्च पुग्यो। त्यही रिट निवेदनमा पक्ष कायम गरी पाऊँ भनेर पूरक निवेदन दिने तयारी कांग्रेसको छ। रिटमा पक्ष कायम गर्न अहिलेसम्म कांग्रेसका ८८ जना निवर्तमान सांसदमध्ये ६६ जनाले हस्ताक्षर गरेको निवर्तमान प्रमुख सचेतक श्यामकुमार घिमिरेले बताए। तर उक्त रिटमा सभापति देउवासहितले हस्ताक्षर गरेका छैनन्। घिमिरे र सचेतक सुशीला थिङसहितका सांसदहरूले सर्वोच्च अदालतमा प्रतिनिधि सभा पुनर्स्थापनाका लागि रिट दिएका थिए।

काठमाडौं । जेनजी आन्दोलनका अभियन्ता मिराज ढुंगानाले प्रधानमन्त्री सुशीला कार्कीको गतिविधिको चर्को आलोचना गरेका छन् । आइतबार संयुक्त जेनजी आन्दोलन घोषणा सभामा उनले सरकार पूर्ण रूपमा असफल भएको आरोप लगाए । उनले भने, ‘सुशीलाजीले के गर्नुभयो र ? केही पनि गर्नुभएको छैन । समस्या के हो सरकारले कहिल्यै राम्रोसँग हेरेन । सुरुमा उदाहरणीय देखिएको भएपनि अहिले सरकार कामचोर हो कि जस्तो लाग्छ । यस्तो सरकार देखिएको थिएन ।’ उनले सरकारले गरेको कामको चित्त नबुझेर नै आन्दोलनका उत्रिन लागेको बताए ।

काठमाडौं । द काउन्सिल अफ जेनजीका संयोजक तथा हामी नेपालका संस्थापक सुधन गुरुङले गृहमन्त्री ओमप्रकाश अर्यालमाथि गम्भीर आरोप लगाउँदै मोबाइल नम्बर सार्वजनिक गरेका छन् । सरकार र जेनजीबिच भएको सहमतिअनुसार भ्रष्टाचारी र हत्यारालाई कारबाहीको दायरामा ल्याउने कार्यबाट गृहमन्त्री अर्याल पछाडि हटेको गुरुङको आरोप छ । उल्टै पीडितलाई रिहा नगरेर थुनामै राखेको भन्दै उनले गृहमन्त्री अर्यालको मोबाइल नम्बर सार्वजनिक गरेर पीडितलाई उतै सम्पर्क गर्न भनेका हुन् ।

काठमाडौं । पर्साको धोबिनी क्षेत्रमा बर्दीसहित भारतीय सुरक्षाकर्मी नेपाल प्रवेश गरेको घटना सार्वजनिक भएको छ। शुक्रबार सार्वजनिक भएको भिडियोमा स्थानीय बासिन्दाहरूले भारतीय अधिकारीलाई प्रश्न सोध्दै रोक्ने प्रयास गरेको देखिन्छ, उनीहरूले ‘नेपालमा के गर्न आएको?’ भनेर प्रश्न गरेका छन्। घटनास्थलमा भारतीय सुरक्षाकर्मी सुरक्षा गाडीसहित नेपाल प्रवेश गरेको देखिएको थियो। धोबिनी गाउँपालिकाका अध्यक्ष मदनप्रसाद चौहानका अनुसार सुरक्षाकर्मी वडा नम्बर ५ भित्रसम्म प्रवेश गरेका थिए। सुरक्षाकर्मीहरू कुनै व्यक्तिलाई खोज्न आएको जस्तो देखिए। स्थानीयको हस्तक्षेपपछि नेपाल प्रहरी मार्फत समन्वय गरी भारतीय पक्ष फिर्ता पठाइएको जनाइएको छ। भारतीय प्रहरी हतियारसहित आए पनि स्थानीय आतंकित भएका थिए।

काठमाडौं । अमेरिकाबाट फर्किएपछि गायिकाद्वय एलिना चौहान र कला लम्सालको विवाद सामाजिक सञ्जालमा तहल्का मच्चाएको छ। ‘अब गाउँछ अमेरिका’को प्रस्तुती बीचमै छोडेर फर्किएका यी दुई गायिकाबीचको सम्बन्ध अहिले सार्वजनिक रुपमा तनावपूर्ण छ। अमेरिकामा बिरामी भएर फर्किएको कला र आयोजकसँग झगडा गरेर फर्किएकी एलिनाबीचको तिक्तता ‘सुनको सिक्री’ विवादले अझ उग्र रूप लिएको छ। हालै एक अन्तर्वार्तामा कलाले लगाएको सुनको डिजाइनको सिक्री अचानक एलिनाको गलामा देखिएको भिडियो भाइरल भयो। कलाले अन्तर्वार्तामा भनेकी छन्, ‘मैरै सुनको सिक्री लगाएर अन्तर्वार्तामा मविरुद्ध बोल्ने गायिका पनि छन्। कम्तीमा मेरोविरुद्ध मेरै सिक्री लाएर नबोलेको भए हुने।

काठमाडौं । गायक शिशिर ठटालको ‘धुन’ बोलको गीत सार्वजनिक भएको छ । मेरो भ्वाइस युनिभर्स पहिलो सिजनका फर्स्ट रनरअप समेत बनेका उनले ‘मन रागिनी, मायाको रंग’ जस्ता गीत सार्वजनिक गरिसकेका छन् । यस पटक भने उनी धुन बोलको गीत लिएर बजारमा आएका छन् । आवाजमा उनलाई गायिका रेनुका सुब्बाले साथ दिइएकी छिन् । उक्त गीतमा शब्द उनको नै छ भने कम्पोज पनि शिशिरले नै गरेका हुन् । म्युजिक प्रोडिउस फसिल स्टुडियो काठमाडौंबाट गरिएको छ । अडियो मिक्सिङ र मास्टरिङ सँगै एडिस्नल अडियो डिजाइनको काम निविर एक्सको रहेको छ ।