← npl.977 Nepal News Stream

काठमाडौं – कांग्रेस सभापति एवं सर्लाही ४ का उम्मेदवार गगन थापा शुक्रबार बिहानैदेखि मतदाताको घरदैलोमा पुगेका छन् । सर्लाही ४ को निर्वाचन प्रचार प्रसार समितिले शुक्रबार बिहानैदेखि विभिन्न स्थानमा उम्मेदवार थापा सहभागी बन्ने कार्यतालिका प्रकाशन गरेपछि उनी काठमाडौंबाट बिहीबार मध्यरात जनकपुर पुगेका थिए ।

काठमाडौं – पूर्वडीआईजी रमेश खरेल कांग्रेसको चुनावी कार्यक्रममा देखिएका छन् । खरेल काभ्रेपलाञ्चोक २ का कांग्रेस उम्मेदवार मधु आचार्यको पाँचखालमा भइरहेको चुनावी कार्यक्रममा सहभागी भएका हुन् । पाँचखाल–५ को केराघारीमा पुगेका खरेलले आफू कुनै पार्टीमा नलागे पनि रुपान्तरणसहित आएको कांग्रेसले देशको मुहार परिवर्तन गर्ने अपेक्षासहित चुनावी कार्यक्रममा आएको बताए ।

काठमाडौं । राष्ट्रिय स्वतन्त्र पार्टीले चुनावी वाचापत्र सार्वजनिक गरेको छ । बिहीबार सुर्खेतमा आयोजित कार्यक्रममार्फत रास्वपा सभापति रवि लामिछाने, वरिष्ठ नेता बालेन्द्र साह बालेन, उपसभापति स्वर्णिम वाग्लेलगायतले बाचापत्र सार्वजनिक गरेका हुन् । पार्टीका उपसभापति वाग्लेले वाचापत्र सार्वजनिक गर्दै पार्टीले सरकारमा के गर्न भन्नेबारे विस्तृतमा जानकारी गराए ।

काठमाडौं । प्रधानमन्त्री सुशीला कार्कीले युवालाई मौका नदिए फेरि विद्रोहको चेतावनी दिएकी छन् । राजनीतिक दल र राज्यसत्ताले लोकतन्त्रको नारा कागजमा सीमित राख्दा मुलुकले विद्रोहको समाना गर्दै आउनुपरेको उनको भनाइ छ ।

काठमाडौं । पार्टीभित्र अराजकता र आर्थिक विचलन मौलाएको भन्दै रास्वपा बागमती उपसभापति दिनेश हुमागाईले पार्टी परित्याग गरेका छन् । उनले बिहीबार महामन्त्रीलाई राजीनामा पत्र बुझाउँदै साधारण सदस्यसमेत नरहने गरी पार्टी परित्याग गरेको उल्लेख गरेका छन् । हुमागाई २०७९ को निर्वाचनमा काभ्रे २ बाट रास्वपाको प्रत्यक्ष उम्मेदवार थिए ।