← npl.977 Nepal News Stream

काठमाडौँ । राष्ट्रिय स्वतन्त्र पार्टी(रास्वपा)का वरिष्ठ नेता बालेन शाहलाई कारबाही गर्न माग गर्दै गृह मन्त्रालयमा उजुरी परेको छ । आफूखुसी थर परिवर्तन गर्ने शाहलाई नागरिकता ऐन बमोजिम आवश्यक कारबाहीका साथै सो नागरिकता रद्द गर्न माग गर्दै शुक्रबार युवराज सफलले मन्त्रालयमा उजुरी दिएका हुन् । उनको उजुरी दर्ता समेत भइसकेको छ ।

पोखरा । चुनावी माहोल बुझ्न र आवश्यक सुरक्षा रणनीति तयार गर्न प्रधानमन्त्री सुशीला कार्की शुक्रबार बिहान हेलिकप्टर मार्फत् पोखरा आएर ब्रिफिङ लिएकी छन् । प्रधानमन्त्री कार्की पोखरा विश्वविद्यालयको २१औँ दीक्षान्त समारोहमा पनि सहभागी भइन्। पोखरा विश्वविद्यालयको दीक्षान्त समारोहपछि उनी गण्डकी प्रदेशस्तरीय सुरक्षा बैठकमा सहभागी भइन् ।

प्रतिनिधिसभा सदस्य निर्वाचन नजिकिँदै जाँदा स्याङ्जा निर्वाचन क्षेत्र नम्बर १ मा चुनावी माहोल तातेको छ । फागुन २१ गते हुने निर्वाचनलाई लक्षित गर्दै विभिन्न दलका उम्मेदवारहरू प्रचारप्रसारमा सक्रिय भइरहेका बेला नेपाली काँग्रेसका उम्मेदवार भरतराज ढकालले भने आफ्नो दशबुँदे प्रतिबद्धता सार्वजनिक गर्दै मतदातामाझ पुगेका छन् ।

सिद्धार्थ राजमार्ग अन्तर्गत स्याङ्जाको भीरकोट नगरपालिका–४ छ्याङ्छाङ्दीमा प्रहरीले लागूऔषधसहित दुई जनालाई पक्राउ गरेको छ । विशेष सूचनाको आधारमा जिल्ला प्रहरी कार्यालय स्याङ्जा, वडा प्रहरी कार्यालय वालिङ र प्रहरी चौकी दहथुमबाट खटिएको विशेष अप्रेसन टोलीले बिहीबार राती चेकजाँचका क्रममा लागूऔषध बरामद गरेको जिल्ला प्रहरी कार्यालय स्याङ्जाले जनाएको छ ।

काठमाडौं । सर्वोच्च अदालतले संसद् विघटनविरुद्ध दायर रिटलाई चुनावपछिको तारिख दिएको छ । संसद् विघटनविरुद्ध गएको मंसिरमै रिटहरू दायर गरिएको थियो । योबीचको अवधिमा प्रारम्भिक सुनुवाइ मात्र भएको छ । थप सुनुवाइ अघि बढाइएको छैन ।

काठमाडौँ — तपाईँ टिकटक कत्तिको चलाउनुहुन्छ? रमाइलोका लागि चलाउँदै आएको टिकटकबाट अब राष्ट्रिय रूपमा योगदान पनि गर्न सक्नुहुन्छ। राष्ट्रिय महायज्ञका रूपमा लिइएको निर्वाचनलाई टिकटक बनाएरै सहयोग गर्न सकिन्छ। यस्तै, त्यसबाट आकर्षक पुरस्कारसमेत प्राप्त गर्न सकिन्छ । रमाइलोका लागि हेरिन वा बनाइने टिकटक बनाएर निर्वाचनको माहोल बनाउन, प्रचारप्रसार गर्ने र मतदाता शिक्षा प्रदान गर्न सकिनेछ ।