अछाम । एक भारी घाँसका लागि कर्णाली तरेका अछाम तुर्माखाँदका ३५ वर्षीय पहलसिंह बुढा र उनका ११ वर्षीय छोरा नरी बुढाको अवस्था अझै अज्ञात छ।

बिहीबार साँझ सुर्खेतबाट घाँस लिएर फर्कने क्रममा डुङ्गा पल्टिएर बेपत्ता भएका उनीहरूको खोजीमा अहिले सुरक्षा निकायका आधा दर्जन युनिट परिचालन गरिएका छन्।

पहलसिंह आफैँले चलाएको डुङ्गा कर्णालीको बिच भागमा पुगेपछि अनियन्त्रित भई पल्टिएको प्रारम्भिक अनुसन्धानले देखाएको छ। जिल्ला प्रहरी कार्यालय अछामका डीएसपी ओमप्रकाश खनालका अनुसार, घटनास्थलमा सशस्त्र प्रहरीको विपद् उद्धार तालिमप्राप्त टोलीसहित नेपाल प्रहरीका चार वटा युनिटले खोजी कार्यलाई तीव्रता दिएका छन् ।

नदीको तीव्र बहाव र भौगोलिक विकटताका कारण खोजीमा कठिनाइ भइरहेको छ।