काठमाडौं । नेपाली बजारमा चाँदीको मूल्यले नयाँ रेकर्ड बनाउँदै उकालो लागेको छ । आइतबार सुनको मूल्य सामान्य घटेपनि चाँदीले भने नयाँ रेकर्ड बनाएको हो ।

नेपाल सुनचाँदी व्यवसायी महासंघका अनुसार चाँदीको भाउ मूल्य १ सय रुपैयाँले बढेसँगै प्रतितोला ४ हजार १ सय ५ रुपैयाँ कायम भएको छ । शुक्रबार चाँदीको मूल्य ४ हजार ५ रुपैयाँमा कारोबार भएको थियो ।

आज सुनको भाउ तोलामा १ सय रुपैयाँ घटेको हो । सुनको भाउ प्रतितोला २ लाख ५८ हजार ३ सय रुपैयाँ तोकेको छ । शुक्रबार २ लाख ५८ हजार ४ सय रुपैयाँमा सुनको कारोबार भएको थियो ।

गत सोमबार सुनको भाउ हालसम्मकै उच्च २ लाख ६० हजार ७ सय रुपैयाँ पुगेको रेकर्ड छ ।

The post चाँदीको मूल्य हालसम्मकै उच्च appeared first on RONB post.