छ्याङ्छाङ्दीबाट लागुऔषधसहित दुई जना पक्राउ
स्याङ्जा। स्याङ्जाको भीरकोट छ्याङ्छाङ्दीबाट लागुऔषध ब्राउन सुगरसहित दुई जनालाई प्रहरीले नियन्त्रणमा लिएको छ ।
प्रहरीको विशेष अप्रेसनमा खटिएको टोलीले चेकजाँचका क्रममा तीन ग्राम ब्राउन सुगर बरामद गरेको जिल्ला प्रहरी कार्यालय स्याङ्जाले जनाएको छ । वालिङबाट भीरकोटतर्फ जाँदै गरेको ग २३ प ४०४२ नम्बरको स्कुटर रोकी जाँचको क्रममा उनीहरु पक्राउ परेका हुन् ।
चेकजाँचका क्रममा स्कुटरमा सवार वालिङ नगरपालिका–८ बस्ने ३६ वर्षीय रोशन परियार र ३४ वर्षीय पुकार लोहनीको साथबाट ब्राउन सुगर फेला पारेको प्रहरी जानकारी दिएको छ ।
ब्राउन सुगर र स्कुटरसहित दुवै जनालाई नियन्त्रणमा लिइएको प्रहरी नायब उपरीक्षक प्रसन्न राज चौधरीले जानकारी दिए। दुबै जनालाई लागुऔषधसम्बन्धी कसूरमा मुद्दा दर्ता संगै आवश्यक अनुसन्धान प्रक्रिया अघि बढाइएको चौधारीले बताए।