भारतको एआई इम्प्याक्ट समिटमा १०० बिलियन डलरभन्दा बढीको एआई परियोजनाहरूमा लगानीको प्रतिवद्धता गरिएको छ । जसमा अदानी समूह, माइक्रोसफ्ट र डाटा सेन्टर फर्म योट्टा लगायतका कम्पनीहरू समावेश रहेकाे जनाइएकाे छ ।

भारत सरकारले आगामी दुई वर्षमा कुल प्रतिबद्धता २०० बिलियन डलरभन्दा बढी हुने अपेक्षा गरेको बताएको छ ।

याे सम्मेलनमा बिल गेट्सले सम्बोधन नदिने भएका छन् । आफ्नो मुख्य भाषणको केही घण्टा अगाडि उनले सम्बोधन नगर्ने बताइएको हो ।

गेट्स फाउन्डेसनले केही दिन अघि समिटमा अनुपस्थिति हुने हल्लालाई खारेज गर्दै उपस्थित हुने बताएको थियो ।

बिल गेट्स सहभागी नभएपछि पहिले नै संगठनात्मक कमजोरी, रोबोट विवाद र ट्राफिक अराजकताको गुनासोले प्रभावित कार्यक्रमलाई अर्को धक्का लागेको छ ।

गेट्सको अनुपस्थिति, त्यसपछि एनभिडियाका जेन्सेन हुआङद्वारा अर्को उच्च–प्रोफाइल रद्द, ग्लोबल साउथमा पहिलो प्रमुख कृत्रिम बुद्धिमत्ता फोरमको रूपमा बिल गरिएको शिखर सम्मेलनको लागि कठिन सुरुवात थपेको जनाइएको छ ।

भारतले विश्वव्यापी एआई शासनमा अग्रणी आवाजको रूपमा आफूलाई स्थापित गर्न खोजेको छ ।

प्रधानमन्त्री नरेन्द्र मोदीले बिहीबार फ्रान्सेली राष्ट्रपति इमानुएल म्याक्रोन, गुगलका सिइओ सुन्दर पिचाई, ओपनएआईका सिइओ साम अल्टम्यान र एन्थ्रोपिकका सिइओ डारियो अमोदेईसँगै भेलालाई सम्बोधन गर्दै एआई प्लेटफर्महरूमा बालबालिकाको सुरक्षाको लागि आह्वान गरेका छन् ।

भारतको पहिलो प्रमुख एआई शिखर सम्मेलन संगठनात्मक कमजोरीहरूले प्रभावित भएको जनाएइको छ ।

जसले सहभागीहरूलाई भारतीय सरकारको योजनाको अभावको रूपमा वर्णन गरेको उल्लेख गरिएको छ ।

शिखर सम्मेलनमा भीआईपी आवागमनलाई प्राथमिकता दिन प्रहरीले बारम्बार सडकहरू बन्द गर्दा २ करोड जनसंख्या भएको शहरमा अराजकता सिर्जना भएको जनाइएको छ ।

भारत सरकारले सुरुवाती दिनहरूमा सहभागीहरूलाई भएको असुविधाको लागि माफी मागेको छ ।

विपक्षी दलहरूले विश्वव्यापी शिखर सम्मेलनलाई राम्रोसँग व्यवस्थापन नगरेकोमा सरकार र प्रधानमन्त्रीमाथि आक्रोश पोखेका छन् ।