काठमाडौं । साताको अन्तिम कारोबार दिन शुक्रबार शेयर बजार सामान्य अंकले बढेको छ। नेप्से परिसूचक ५.३६ अंकले बढेर २८३८.४० को विन्दुमा बन्द भएको हो।

बजार बढ्दा नेप्से उपसमूृहमा रहेका ५ वटा समूह बढेका छन् भने ८ वटा घटेका छन्। यो दिन उत्पादन तथा प्रशोधन समूह सर्वाधिक १.४० प्रतिशतले बढ्दा निर्जीवन बीमा समूहमा सर्वाधिक ०.५३ प्रतिशतको गिरावट देखिएको छ।

आज बजारमा १०८ कम्पनीको शेयरभाउ बढेको छ भने १५० कमपनीको घटेको छ। यो दिन १२ कम्पनीको शेयरभाउ स्थिर रहेको छ।

बजारमा आज करिब साढे ७ अर्ब रुपैयाँबराबरको कारोबार भएको छ। यो दिन नेसनल हाइड्रोपावरको सर्वाधिक कारोबार भएको छ।

उच्च कारोबार भएका १० कम्पनी

• नेसनल हाइड्रोपावरः ६६ करोड ८६ लाख रुपैयाँ
• सोलु हाइड्रोपावरः ३७ करोड २६ लाख रुपैयाँ
• रिडी पावरः ३४ करोड २ लाख रुपैयाँ
• रिलायन्स स्पिनिङ मिल्सः ३२ करोड ९५ लाख रुपैयाँ
• हिमाल दोलखा हाइड्रोपावरः २५ करोड १५ लाख रुपैयाँ
• प्रभु बैंकः २४ करोड ५८ लाख रुपैयाँ
• शिवम सिमेन्टः २३ करोड ९५ लाख रुपैयाँ
• एसवाई प्यानलः २३ करोड १८ लाख रुपैयाँ
• ङादी ग्रुप पावरः १९ करोड ५८ लाख रुपैयाँ
• एनआरएन इन्फ्रास्ट्रक्चरः १५ करोड ५८ लाख रुपैयाँ