काठमाडौं। प्रमुख प्रतिपक्षी दल नेपाली कांग्रेसका सांसद भरत खड्काले सार्वजनिक लेखा समिति सभापतिमा उम्मेदवारी दर्ता गराएका छन् ।

सत्तारुढ दल राष्ट्रिय स्वतन्त्र पार्टीले लेखा समिति सभापति प्रमुख प्रतिपक्षी दललाई दिने निर्णय गरेसँगै बिहीबार खड्काले उम्मेदवारी दर्ता गराएका हुन् । उनलाई विपक्षी दलहरुको पनि समर्थन रहेको छ ।

खड्का डोटीबाट प्रत्यक्ष निर्वाचित सांसद हुन् । उनको प्रस्तावकमा मोहन आचार्य र समर्थकमा जनकराज गिरी छन्।