काठमाडौँ। नयाँ नेपाली चलचित्र ‘झरी पछिको ईन्द्रेणी’ हलमा रिलिज भएको छ। जसले दर्शकलाई मनोरञ्जनसँगै सामाजिक सन्देश पनि दिएको छ । चलचित्रले भ्रष्टाचार, जिम्मेवार सुरक्षा निकायको रणनीति, मिडिया ट्रायल र सामाजिक सञ्जाल दुरुपयोगजस्ता समसामयिक विषयहरूलाई पर्दामा ल्याएको छ ।

चलचित्रमा गणेश कार्कीको कथा शक्तिशाली छ भने अर्जुन घिमिरेको निर्देशनले कथा अझ प्रभावकारी बनाएको छ । पाँडेको क्यारेक्टरमा दमदार अभिनय देखाइएको छ । साथै, गणेश उप्रेतीको कमव्याक र रमेश उप्रेती, दीपाश्री, सरिता गिरी, निर्मल शर्मा, अन्जु महर्जन, प्रकाश घिमिरे, प्रियना आचार्य, देशभक्त खनाल, लक्षणा राई, विमोचन दवाडी, दीप्सन चिलवाल लगायतका कलाकारहरूको अभिनयले चलचित्रको आकर्षण बढाएको छ ।

चलचित्रले दर्शकलाई एउटा ईमान्दार कर्मचारीलाई फँसाउने भ्रष्ट प्रणाली, विदेश पठाउने सन्तानसँग सम्बन्धित अभिभावकीय निर्णय, सामाजिक सञ्जालको दुरुपयोगबाट निजि जीवनको सुरक्षा जस्ता महत्वपूर्ण पाठ सिकाउने प्रयास गरेको छ ।

निर्देशक अर्जुन घिमिरेले केन्द्रविन्दुलाई भने , “हामीले चलचित्रमार्फत केवल मनोरञ्जन दिन चाहेका छैनौँ, दर्शकले समाजमा भइरहेका समस्याहरूलाई बुझ्न र आफ्नै अनुभवमा लागू गर्न सकून् भन्ने उद्देश्य राखेका छौँ।” चलचित्र रिलिजसँगै हलमा दर्शकको उत्साह उच्च छ । दर्शकहरुले चलचित्रमा कथानकको गहिराई, अभिनयको प्रखरता र सामाजिक सन्देशका कारण ‘झरी पछिको ईन्द्रेणी’ नेपाली चलचित्र एउटा पृथक भएको बताएका छन् ।

चलचित्र हलमा हेरेर मनोरञ्जन र शिक्षा दुवै अनुभव गर्न चाहने दर्शकले यसलाई प्राथमिकता दिन सक्नेछन्। चलचित्र प्रदर्शन भएसँगै हलहरुमा दर्शकहरु खचाखच् भएका छन् ।