काठमाडौं । नेपाल धितोपत्र बोर्ड (सेबोन)को अध्यक्ष पदबाट सन्तोष नारायण श्रेष्ठले राजीनामा दिएका छन्।

श्रेष्ठले आज अर्थ मन्त्रालयमा सेबोन अध्यक्षबाट राजीनामा दिएको पत्र बुझाएका हुन्। ‘उनले के कारण राजीनामा दिएका अहिले खुलेको छैन’, सेबोन स्रोतले भन्यो।

राष्ट्रिय स्वतन्त्र पार्टी (रास्वपा)को एकल सरकार गठनसँगै राजनीतिक आधारमा लिइएका नियुक्तिका विषयमा धेरै नै चर्चा चलेको थियो। रास्वपाले त्यस्ता नियुक्ति लिएकाहरुले राजीनामा दिएर मार्गप्रशस्त गर्न पनि आग्रह गरेको थियो।

तत्कालीन सरकारले श्रेष्ठलाई २०८१ मंसिर १० गते सेबोनको अध्यक्षमा नियुक्त गरेको थियो। उनको कार्यकाल निकै विवादास्पद पनि बन्दै आएको थियो।