काठमाडौं । नेकपा एमालेले २५ हजार रुपैयाँसम्मको ऋण मिनाहा गर्ने घोषणा गरेको छ ।

२०८२ भदौसम्म लिने २५ हजारसम्मको ऋण मिनाहा गर्ने घोषणा एमालेले घोषणापत्रमार्फत गरेको हो । राज्यद्वारा गरिब परिवारका रूपमा पहिचान भएका ऋणिको ऋण मिनाहा गर्ने घोषणा एमालेले गरेको छ ।

त्यस्तै घोषणापत्रमा युवालाई हरेक महिना १० जीबी इन्टरनेट डाटा निःशुल्कदेखि गरिब परिवारको २५ हजारसम्म ऋण मिनाहासम्मको विषय समेटिएको छ ।

यस्तै, युवा तथा उद्यमीलाई १० हजार डलर बराबरको बैंक कार्ड, वैदेशिक रोजगारी श्रमिकको खातामा ५ हजारसहित सामाजिक सुरक्षा, विद्यार्थीलाई २० लाख निर्ब्याजी ऋण, पारिश्रमिकसहित इन्टर्नशीप, किशोरीलाई निःशुल्क प्याड, १० कक्षासम्म दिवा खाजा श्रमिकको न्यूनतम पारिश्रमिक २५ हजारसहित सामाजिक सुरक्षाको विषय समेटेको छ ।

त्यसैगरी, सुत्केरी हुने महिलालाई प्रतिजन्म २० हजार रुपैयाँ मातृ–शिशु पोषण भत्ता प्रदान गरिने एमालेले जनाएको छ । गर्भावस्था अघि र पछि स्वास्थ्य परीक्षणका लागि घरदेखि स्वास्थ्य संस्थासम्मको यातायात खर्च पनि दोब्बर गरिने प्रतिबद्धता गरिएको छ ।

यसका साथै गर्भवती महिलाको स्वास्थ्य सुरक्षा सुनिश्चित गर्न ५ लाख रुपैयाँसम्मको जीवन बीमा निःशुल्क गरिने घोषणा गरिएको छ ।

पूर्णपाठ हेर्न यहाँ क्लिक गर्नुहोला

The post महिनामा १० जीबी डाटा निःशुल्क, २५ हजारसम्म ऋण मिनाहा (पूर्णपाठ) appeared first on RONB post.