काठमाडौँ- पूर्वप्रधानमन्त्री एवम् नेकपा एमाले अध्यक्ष केपी शर्मा ओलीले नयाँ वर्ष २०८३ को अवसरमा सम्पूर्ण नेपालीमा हार्दिक शुभकामना व्यक्त गरेका छन्।

नयाँ वर्षको सन्देश दिँदै उनले सुरक्षित र समृद्ध नेपाल निर्माणका लागि पाको अनुभव र नवयुवाको ऊर्जाबीच सार्थक सहकार्य आवश्यक रहेको बताएका छन्।

सामाजिक सञ्जालमार्फत उनले २०८२ साल अब इतिहास बनिसकेको उल्लेख गर्दै विगतका सफलता, असफलता, अवसर र चुनौतीहरूको समीक्षा गर्नुपर्नेमा जोड दिएका छन्। साथै, ती अनुभवबाट पाठ सिक्दै भविष्यतर्फ अग्रसर हुनुपर्ने उनको भनाइ छ।

ओलीले नयाँ वर्ष २०८३ ले अनुभवी पुस्ता र युवा शक्तिबीच प्रभावकारी समन्वय स्थापित गर्दै देशलाई समृद्धिको दिशामा अघि बढाओस् भन्ने कामना व्यक्त गरेका छन्।