काठमाडौं – सर्वोच्च अदालतले पूर्वमन्त्री तथा नेपाली कांग्रेसका नेता दीपक खड्कालाई थुनाबाट छोड्न आदेश दिएको छ। आज कामु प्रधान न्यायाधीश सपना प्रधान मल्ल र न्यायाधीश श्रीकान्त पौडेलको संयुक्त इजलासले उनलाई थुनाबाहिरै राख्ने निर्णय सुनाएको हो।

आदेशमा भनिएको छ कि खड्काको पक्राउ पुर्जी र म्याद थप कानुनसम्मत नभएको र अनुसन्धान हिरासतबाहिर बसेर पनि गर्न सकिने देखिन्छ। त्यसैले सम्बन्धित अदालतबाट अनुमति लिएर मात्र उनलाई विदेश जान दिन सकिने र उनलाई तत्काल थुनामुक्त गर्न आदेश जारी गरिएको छ।

खड्का गत चैत १५ गते पक्राउ परेका थिए। उनीमाथि सम्पत्ति शुद्धीकरणसम्बन्धी मुद्दाको अनुसन्धान भइरहेको छ।