काठमाडौं। थोक बजारमा भारतीय रातो आलुको भाउ एक महिनामा १९.४० रुपैयाँले घटेको छ।

कालीमाटी तरकारी तथा फलफूल बजारमा सोमबार औसतमा २६.६० रुपैयाँ प्रति किलोमा भारतीय रातो आलु किनबेच भइरहेको छ। एक महिनाअघि अर्थात् मंसिर ७ गते यसको मूल्य ४६ रुपैयाँ थियो।

यस्तै, स्वदेशी रातो आलुको मूल्य १८.४० रुपैयाँले घटेको छ। सोमबार रातो आलुको प्रति किलो थोक मूल्य औसतमा ३६.६० रुपैयाँ तय भएको छ। एक महिनाअघि यसको मूल्य प्रति किलो ५५ रुपैयाँ थियो।

भारतीय सुकेको प्याज १२.३३ रुपैयाँले महँगिएको छ। एक महिनाअघि औसतमा ३३.५० रुपैयाँ प्रति किलोमा बिक्री भएको भारतीय सुकेको प्याजको मूल्य सोमबार ४५.८३ रुपैयाँ तोकिएको छ।

कालीमाटी तरकारी बजारमा आज तरकारी, फलफूल र माछाको थोक मूल्य कति?

The post एक महिनाअघिको तुलनामा रातो आलु सस्तियो, भारतीय सुकेको प्याज महँगियो appeared first on BIZMANDU.