काठमाडौँ- नेपालका लागि टाटा मोटर्सको आधिकारिक वितरक सिप्रदी ट्रेडिङले विद्युतीय सवारीसाधनप्रति बढ्दो आकर्षणलाई मध्यनजर गर्दै विशेष एक्सचेन्ज योजना सार्वजनिक गरेको छ ।

‘स्विच टु टियागो इभी’ नाम दिइएको यस अभियान अन्तर्गत ग्राहकहरूले आफ्नो जुनसुकै ब्रान्डको पुरानो बाइक वा स्कुटर साटेर नयाँ टाटा टियागो इभी खरिद गर्न सक्नेछन् । यो विशेष क्याम्पेन सन् २०२६ अप्रिल १७ देखि २० सम्म देशभरका टाटा मोटर्सका शोरुमहरूमा सञ्चालन हुनेछ ।

यस योजना अन्तर्गत ग्राहकहरूले मात्र ४ लाख ९९ हजार रुपैयाँ डाउनपेमेन्टमा टियागो इभी आफ्नो बनाउन सक्ने सुविधा प्राप्त गर्नेछन् । यसका साथै, पुरानो दुईपाङ्ग्रे सवारीको उत्कृष्ट मूल्याङ्कन, आकर्षक नगद छुट, निःशुल्क एसेसरीज र एक वर्षको सवारी कर छुट जस्ता सुविधाहरू पनि उपलब्ध गराइने कम्पनीले जनाएको छ ।

सिप्रदीले आफ्ना ग्राहकका लागि थप सुविधाहरूको पनि व्यवस्था गरेको छ, जसमा सिप्रदी नेटवर्कमार्फत आजीवन निःशुल्क डीसी फास्ट चार्जिङ र निःशुल्क होम चार्जिङ इन्स्टलेसन समावेश छन् ।

यसबाहेक, सहभागी ग्राहकहरूमध्ये एकजना भाग्यशाली विजेताले लक्की ड्र मार्फत आइफोन-१७ प्रो म्याक्स जित्ने अवसर समेत पाउनेछन् । सुरक्षित र आधुनिक प्रविधियुक्त विद्युतीय सवारीमा अपग्रेड हुन चाहनेहरूका लागि यो योजना निकै प्रभावकारी हुने विश्वास गरिएको छ ।