काठमाडौँ- नेपाल धितोपत्र बोर्डले लक्ष्मी सनराइज बैंक कोष प्रवर्द्धक र लक्ष्मी सनराइज क्यापिटल योजना व्यवस्थापक रहेको नयाँ म्युचुअल फन्डलाई सार्वजनिक निष्कासनका लागि अनुमति प्रदान गरेको छ ।

बोर्डले २०८३ वैशाख २ गतेका दिन ‘एलएस होराइजन-८०’ (LS Horizon-80) नामक बन्दमुखी योजनालाई सञ्चालनको स्वीकृति दिएको हो ।

यो योजनाको कुल अवधि १२ वर्षको रहनेछ । यस अन्तर्गत १० रुपैयाँ प्रति इकाई दरका कुल १२ करोड इकाईहरू निष्कासन गरिने क्यापिटलले जनाएको छ ।

बन्दमुखी योजना भएकाले यो एक निश्चित अवधिसम्म मात्र सञ्चालनमा रहनेछ । लक्ष्मी सनराइज क्यापिटलले यसअघि पनि विभिन्न योजनाहरू सफलतापूर्वक सञ्चालन गरी लगानीकर्ताहरूलाई उच्च प्रतिफल प्रदान गरिसकेको छ ।

धितोपत्र बोर्डको यस निर्णयसँगै नेपाली पुँजी बजारमा सामूहिक लगानी कोषको दायरा अझ फराकिलो हुने अपेक्षा गरिएको छ ।

यस योजनाले साना तथा ठूला दुवै वर्गका लगानीकर्ताहरूलाई व्यवस्थित रूपमा लगानी गर्ने नयाँ अवसर प्रदान गर्ने विश्वास कम्पनीले लिएको छ ।