राति निद्रा नआउनु निकै कष्टकर समस्या हो। जब सबै जना गहिरो निद्रामा हुन्छन् र तपाईं मात्र जागै हुनुहुन्छ, त्यो अवस्था असहज र थकाउने हुन्छ। यदि तपाईंलाई पनि रातको समयमा निद्रा लाग्दैन भने आफ्नो खानपानमा ध्यान दिनु आवश्यक हुन्छ।

विशेषज्ञहरूका अनुसार, डाइटमा म्याग्नेसियम समावेश गर्नाले निद्रामा सुधार आउन सक्छ। म्याग्नेसियमले मेलाटोनिन हर्मोनलाई सन्तुलनमा राख्न मद्दत गर्छ, जुन हर्मोनले राति राम्रो र गहिरो निद्रा ल्याउन सहयोग गर्छ।

न्यूट्रिशनिस्ट तथा डाइटीशियन शिखा अग्रवाल शर्माका अनुसार, म्याग्नेसियमयुक्त केही खानेकुरा नियमित सेवन गर्दा निद्राको समस्या कम हुन सक्छ।

धेरैलाई केरामा पोटासियम हुन्छ भन्ने थाहा छ, तर यसमा म्याग्नेसियम पनि प्रशस्त मात्रामा पाइन्छ। केरा खानाले मांसपेशीलाई आराम मिल्छ, जसले गहिरो र शान्त निद्रामा सहयोग पुर्‍याउँछ। साँझको स्न्याक्सका रूपमा केरा खान सक्नुहुन्छ।

राम्रो निद्राका लागि दैनिक बादाम खान सकिन्छ। बादामले तनाव कम गर्न मद्दत गर्छ। धेरैजसो अवस्थामा अत्यधिक तनावकै कारण निद्रा नलाग्ने समस्या देखिन्छ। बादाममा पनि म्याग्नेसियम पाइने भएकाले यसले निद्राको गुणस्तर सुधार गर्न सक्छ।

यदि तपाईं लामो समयदेखि अनिद्राको समस्याबाट पीडित हुनुहुन्छ भने डाइटमा पम्पकिन सिड्स समावेश गर्नु उपयोगी हुन सक्छ। यसमा म्याग्नेसियम हुन्छ, जसले सेरोटोनिन हर्मोन उत्पादनमा मद्दत गर्छ। सेरोटोनिनले निद्रा लाग्न, खुसी महसुस गर्न र मुड सन्तुलनमा राख्न सहयोग गर्छ। एजेन्सीबाट