npl.977 Nepal News Stream

काठमाडौँ । कृषि तथा पशुपन्छी विकास मन्त्रालयले विभिन्न कृषि उपज, बीउबिजन तथा बाली वस्तुहरूको नयाँ बिक्री मूल्य स्वीकृत गरेको छ। मन्त्रालयले मंसिर २८ गते मन्त्रिस्तरीय निर्णय गरी नयाँ मूल्य सूची सार्वजनिक गरेको हो। नयाँ दररेट अनुसार बीउबिजनतर्फ धान, मकै, गहुँ र दलहनको छुट्टाछुट्टै मूल्य निर्धारण गरिएको छ।

काठमाडौँ। विघटित प्रतिनिधिसभाका ६५ जना नेपाली कांग्रेसका सांसदले संसद् पुनर्स्थापनाको पक्षमा हस्ताक्षर गरेका छन्। पार्टीका शीर्ष नेताहरूले भने यसमा हस्ताक्षर गरेका छैनन्। प्रतिनिधिसभाकी निवर्तमान सचेतक सुशीला थिङका अनुसार शीर्ष तहबाहेकका ६५ सांसदले हस्ताक्षर गरेका हुन्। उनले आफूहरू ६५ जनाले हस्ताक्षर गरे पनि शीर्ष नेताहरूलाई हस्ताक्षर गर्न नभनिएको जानकारी दिइन्।

काठमाडौँ । शिक्षा, विज्ञान तथा प्रविधिमन्त्री महावीर पुनले विद्यालय शिक्षामा व्याप्त बेथिति र राजनीति अन्त्यका लागि अभिभावकहरूलाई नै आन्दोलनमा उत्रिन आह्वान गरेका छन्। सामाजिक सञ्जालमार्फत आफ्नो धारणा सार्वजनिक गर्दै मन्त्री पुनले नेपालका धेरै विद्यालयहरूमा हुने राजनीतीकरण हटाउन अभिभावकको सक्रियता अनिवार्य रहेको बताएका हुन्।

काठमाडौँ । संयुक्त राष्ट्रसङ्घको घोषणाअनुसार आज नेपालमा पनि विभिन्न कार्यक्रमका साथ ‘विश्व ध्यान दिवस’ मनाइँदै छ। राष्ट्रसङ्घको महासभाले गत वर्ष डिसेम्बर २१ लाई आधिकारिक रूपमा यो दिवसको मान्यता दिएसँगै नेपालमा सरकारकै आयोजनामा दोस्रो पटक यो दिवस मनाउन लागिएको हो।

विराटनगर । विराटनगरस्थित नोबेल मेडिकल कलेजको भवनबाट खसेर एक जना इन्टर्न डाक्टरको मृत्यु भएको छ। मृत्यु हुनेमा सप्तरीको राजविराज नगरपालिका-९ घर भएका ३४ वर्षीय अमित यादव छन्। आइतबार बिहान करिब ६:३० बजे कलेजको मुख्य गेटतर्फको भवनको पाँचौ तलाबाट यादव भुइँमा खसेका थिए।

विराटनगर। झापाको बिर्तामोड नगरपालिका-६ स्थित गिरीबन्धु टि स्टेट नजिक पूर्वपश्चिम राजमार्गमा आइतबार साँझ भएको मोटरसाइकल दुर्घटनामा परी दुई जना युवाले ज्यान गुमाएका छन्। मृत्यु हुनेमा भद्रपुर नगरपालिका वडा नं. ९ का २५ वर्षीय भुपाल अधिकारी र भद्रपुर नगरपालिका वडा नं. ७ का २५ वर्षीय शीर्षक सुवेदी छन्।