राजधानी राष्ट्रिय दैनिक (लोकप्रिय राष्ट्रिय दैनिक)
आभाको आत्मघाती गोलको दुर्भाग्य, जावलाखेल फाइनलमा
पोखरा । आत्मघाती गोलको दुर्भाग्य एवं विपक्षी १० खेलाडीमा सीमित हुँदाको अवसर क्याच गर्न नसक्दा उज्वेकिस्तानको फुटबल टिमले २५ औं आहा रारा पोखरा गोल्डकपको यात्रा सेमिफाइनलबाटै टुंगाएको छ ।
पोखरा रंगशालामा बिहीबार दोस्रो सेमिफाइनलमा जावलाखेल युथ क्लबसँगको प्रतिस्पर्धामा आभा फुटबल क्लब १–० गोलअन्तरले फाइनल पुग्नबाट वञ्चित बनेको हो ।
यता, आहा रारा गोल्डकपमा १४ वर्षपछि फाइनलमा पुगेको जावलाखेलले अब शनिबार आयोजक सहारा क्लब पोखरासँग उपाधिका लागि प्रतिस्पर्धा गर्नेछ ।
बिहीबारको खेलमा पहिलो हाफ गोलरहित बराबरीमा सकिएको थियो । तर, पाहुना टोलीका लागि ५२ औंं मिनेटमा आभा आत्मघाती गोलको शिकार हुनु नै दुर्भाग्य बन्यो । विपक्षी धमेन्द्र कुँवरले गरेको क्रस प्रहार रोक्ने क्रममा आभाका खुसान गानिजानोभले हानेको बल आफ्नै पोस्टमा पुगेको हो ।
त्यसको १३ मिनेट नबित्दै खेलको ६५ औं मिनेटमा जावलाखेल १० खेलाडीमा सीमित भयो । विपक्षी खेलाडीलाई मुक्का हानेपछि युवराज ढकालमाथि रेफ्री प्रज्ज्वल क्षेत्रीले रातो कार्ड देखाएका थिए । क्षेत्रीले मैदान छाडेपछि पाहुना टोलीले त्यसको फाइदा लिन सकेन ।
प्रशिक्षक लिन्डे डेभिड हेन्डरसनले यस’bout सञ्चारकर्मीसँग प्रतिक्रिया दिँदै फुटबल टेक्निखेल खेल भएको बताए । उनले उक्त घटनासँगै आफूहरुले बराबरी गर्ने प्रयास हुँदाहुँदै विपक्षीले खेल रणनीति बदलेको उल्लेख गरे । उनले नेपालमा आतिथ्यता राम्रो पाएको र नेपाली फुटबलले पनि विकास गर्दै गएकोमा खुसी व्यक्त गरे ।
प्रतियोगितामा प्लेयर अफ दि म्याचको उपाधि जावलाखेलका जोखिडजोन राखीमोभ घोषित भए । उनले नगद १० हजारसहित ट्रफी पुरस्कार प्राप्त गरेको आयोजक सहारा क्लब पोखराले जनाएको छ ।
जितपछि जावलाखेल प्रशिक्षक सुनिलकुमार श्रेष्ठ आभासँगको प्रतिस्पर्धा नै फाइनल जस्तो लागेको बताए । राम्रो टिमलाई हराउन सकेकामा उनी सन्तुष्ट देखिए । आभा टिम बलियो टिम थियो । जबकि उसले शनिबार २६ औ बूढासुब्बा गोल्डकपको विजेता प्लानिङ ब्वाइज युनाइटेड, काठमाडौंलाई पोखरामा भने चौथो क्वारफाइनलमा १–० गोलअन्तरले पराजित गरी सेमिफाइनल पुगेको थियो ।
सहाराले भने उद्घाटन खेलमा गोर्खा इन्टरनेशनल फुटबल क्लबलाई हराउँदै विजयी यात्रा सुरुआत गरेको थियो । सर्वाधिक ६ पल्टका उपाधि विजेताहरु पुलिस फुटबल क्लबलाई क्वाटरफाइनलमा र मनाङ मस्र्याङ्दी क्लबलाई सेमिफाइनलमा सडन डेथको शिकार बनाउँदै फाइनल पुगेको हो ।
शनिबार हुने फाइनलमा विजेताले १४ लाख र उपविजेताले ७ लाख रुपैयाँ पुरस्कार प्राप्त गर्नेछन् ।
The post आभाको आत्मघाती गोलको दुर्भाग्य, जावलाखेल फाइनलमा appeared first on राजधानी राष्ट्रिय दैनिक (लोकप्रिय राष्ट्रिय दैनिक)-RajdhaniDaily.com - Online Nepali News Portal-Latest Nepali Online News portal of Nepali Polities, economics, news, top stories, national, international, politics, sports, business, finance, entertainment, photo-gallery, audio, video and more....
