हामी राति सपना देख्दा कहिलेकाहीँ कुनै मानिस सपनामा देखिन्छ । त्यो व्यक्ति हामीसँग दैनिक भेट्ने, कहिलेकाहीँ मात्र भेट्ने वा जीवनमा एकपटक मात्रै भेटेको पनि हुन सक्छ । यदि कुनै व्यक्ति बारम्बार तपाईंको सपनामा देखिन्छ भने यो सामान्य संयोग मात्र हुँदैन । यसको पछाडि त्यो व्यक्तिसँग जोडिएका भावना, सम्झना वा कुनै अधूरो कुरा तपाईंको मनमा अझै बाँकी रहेको संकेत हुन सक्छ ।

जब तपाईं सपनामा कसैलाई देख्नुहुन्छ, वास्तवमा तपाईंको दिमाग उस व्यक्तिसँग सम्बन्धित अधूरा भावना वा सोचलाई बुझ्ने प्रयास गरिरहेको हुन्छ । त्यो व्यक्ति सपनामा देखिनुको कारण उसको कुनै सम्झना तपाईंको अवचेतन मनमा अझै कतै बसिरहेको हुन्छ ।

दिनको समयमा हामी ती सम्झनालाई बेवास्ता गरिरहेका हुन्छौँ । तर राति मन शान्त हुँदा दिमागले सपनाको माध्यमबाट दबिएका विचार र भावनालाई बाहिर ल्याउन थाल्छ । त्यसैले रातको सपना हाम्रो भित्री सोचको प्रतिबिम्बजस्तै हुन्छ ।

सपना एउटा माध्यम हो, जसले हामीलाई देखाउँछ कि हामीले राम्ररी चिनेका मानिस मात्र होइन, जीवनमा एकपटक मात्रै भेटेका व्यक्ति पनि सपनामा देखिन सक्छन् । यसको मुख्य कारण त्यो व्यक्तिसँग जोडिएको कुनै कुरा अझै हाम्रो दिमागमा पूर्ण रूपमा समाधान नभएको हुनु हो ।

उदाहरणका लागि, यदि तपाईं सपनामा बारम्बार आफ्नो अफिसको बॉसलाई देख्नुहुन्छ भने यसको अर्थ सधैं बॉस नै सपनाको कारण हो भन्ने हुँदैन । यसले तपाईंको मनमा कामको दबाब, डर, तनाव वा आफूलाई प्रमाणित गर्नुपर्ने चिन्ता चलिरहेको संकेत गर्न सक्छ ।

दिमागले त्यस्ता अनुहारहरूको प्रयोग गर्छ, जससँग भावना, सम्झना वा कुनै अधूरो र अनसुल्झिएको कुरा सजिलै जोड्न सकिन्छ । यसरी दिमागले तपाईंलाई आफ्नो भित्री द्वन्द्व र प्रश्नहरू बुझ्न मद्दत गर्न खोजिरहेको हुन्छ ।

विशेषज्ञहरूका अनुसार, यदि तपाईंको मनमा कुनै व्यक्तिप्रति चिन्ता, डर वा दबिएको भावना छ, जुन तपाईं खुलेर व्यक्त गर्न सक्नुहुन्न, भने दिमागले त्यही भावनालाई विभिन्न रूपका सपनाहरूमा बारम्बार देखाउन सक्छ ।

सपनामा कसैलाई देख्दा वा उसँग कुरा गर्दा तपाईंले महसुस गर्ने भावना सबैभन्दा महत्वपूर्ण हुन्छ । सपनाको अर्थ त्यो व्यक्ति होइन, बरु तपाईं वास्तविक जीवनमा भोगिरहेका ती भावनाहरू हुन् भन्ने कुरा बुझ्न आवश्यक हुन्छ । एजेन्सीबाट