काठमाडौँ- नेकपा एमालेको झण्डा जलाएको आरोपमा दाङ प्रहरीले आज (शुक्रबार) एक जनालाई पक्राउ गरेको छ। पक्राउ पर्नेमा तुलसीपुर उपमहानगरपालिका–७, कालाखोला बस्ने ५५ वर्षीय बुद्धिबहादुर बस्नेत रहेका छन्।

घटना संलग्न अन्यको पनि खोजी भइरहेको जिल्ला प्रहरी कार्यालय दाङले जनाएको छ।

राष्ट्रिय स्वतन्त्र पार्टी (रास्वपा) सभापति रवि लामिछाने सुर्खेतबाट दाङको घोराही आउने क्रममा गरिएको स्वागत कार्यक्रमको भीडमा केही व्यक्तिले एमालेको चुनाव चिह्न अंकीत झण्डा जलाएका थिए।

एमालेले घटनाप्रति ध्यानाकर्षण जनाएको छ। एमालेका जनवर्गीय संगठनहरूले पार्टीको झण्डा जलाएको विरोधमा काठमाडौँमा शुक्रबार मसाल जुलुस पनि निकालेका थिए।

पार्टीको झन्डा जलाइएकामा एमालेको ध्यानाकर्षण, रास्वपा भन्छ- घुसपैठ भयो

काठमाडौँ- देशका विभिन्न भागबाट लागुपदार्थसहित १६ जना पक्राउ परेका छन्।

नेपाल प्रहरीकाअनुसार झापाबाट दुई, मोरङबाट एक, सिरहाबाट तीन, कास्कीबाट तीन, बाँकेबाट तीन, कैलालीबाट दुई र मकवानपुरबाट दुई जनालाई पक्राउ गरिएको हो।

अभियुक्तहरुबाट खैरो हिरोइन र चिकित्सकको पूर्जीबिना खरिदबिक्री गर्न नपाइने प्रतिबन्धित विभिन्न किसिमका औषधी बरामद गरिएको छ।

नियमित सुरक्षा गस्तीका क्रममा प्रहरीले उनीहरुलाई बुधबार र बिहीबार पक्राउ गरेको हो।

काठमाडौँ- प्रहरीले काठमाडौँका विभिन्न स्थानबाट दुईवटा चोरीका स्कुटरसहित चार जनालाई पक्राउ गरी सार्वजनिक गरेको छ।

पक्राउ पर्नेमा काठमाडौँस्थित कीर्तिपुर नगरपालिका–१० स्थित गुरुङ टोलबाट जिल्ला कञ्चनपुर बेदकोट नगरपालिका–८ गैलनदीका २४ वर्षीय सन्तोष विष्ट, २२ वर्षीय धर्मेन्द्र खडायत, उदयपुर घर भई काठमाडौँ बूढानीलकण्ठ नगरपालिका–१० बालुवाखानी कपन बस्ने १८ वर्षीय रविन परियार तथा २८ वर्षीय निर्मल परियार रहेका जिल्ला प्रहरी परिसर काठमाडौँका प्रवक्ता पवनकुमार भट्टराईले जानकारी दिए।

उनले भने, ‘प्रहरी प्रभाग ट्याङलाफाँटबाट खटिएको प्रहरी टोलीले सन्तोष विष्ट, धर्मेन्द्र खडायतलाई बाग्मती प्रदेश०२–०१८प ७९३६ नम्बरको एनटिओआरओ १२५ सिसी स्कुटर तथा प्रहरी बृत्त थिमी भक्तपुर क्षेत्रबाट चोरी भएको बा६४प ३७५५ नम्बरको १२५ सिसीको डियो स्कुटरसहित रविन परियार र निर्मल परियारलाई पक्राउ गरिएको हो।’